Psalmy 12 - Библия - Пэ Балтитко Романи чиб (Романэс) 2019

¹ Хоро́скирэ Дирижоро́скэ. Пэ балытка Струме́нты. Давидо́скиро Пса́лмо.

² Подэ васт, Раё Дэ́вла, дэвлы́тка мануша́ отгинэ́ сарэ́са, патяибнытконэ манушэ́н буты́р нанэ.

³ Ёнэ ракирэ́на хоханэ́ лава́ екх екхэ́скэ, нанэ патяибэ́н лэ́нгирэ чибатыр, биладжаипнытка исын лэ́нгирэ ду́мы.

⁴ Рай Дэвэ́л запхандэла напатяибнытка муя́; чиб, со ракирэ́ла пхутькирдэ́ лава́,

⁵ Одолэ́нгэ, кон пхэндя́: “Амэ ла́са упралыпэ́н амарэ́ чиба́са, амарэ́ лава́ джа́на пал амэ́ндэ: Кон да исын рай амэ́нгэ.”

⁶ Пал-дова́ со мануша́ страдынэна и лэн тасавэна, пал-дова́ со мануша́ дрэ трэ́бима дэ́на ґондя́. “Мэ тэрдёвава анги́л” – пхэнэ́ла Рай Дэвэ́л, Мэ приракхава лэн, сыр ёнэ древа́н камэ́на тэ ухтылэ́н,

⁷ Ра́скирэ-Дэвлэ́скирэ лава́ исын чачунэ́ сарэ́са сыр руп, со исын пробиндло дрэ ґлэя (глина), и со жужакирдо эфта́ (битринэ́нгиро дэш) мо́лы.

⁸ Ту, Раё Дэ́вла, явэ́са тэ ракхэ́с лэн, Ту приракхэса амэн дасавэ́ манушэ́ндыр пэ сарэ́ ве́ки,

⁹ Фуй мануша́ псирэ́на пэ кажно штэ́то, а бидытка манушы́тка чхавэ́ ґаздэ́напэ.