Psalmy 113 - Библия - Пэ Балтитко Романи чиб (Романэс) 2019

¹ Аллилуя. Шарэ́н Рас-Дэвлэ́с! Шарэ́н Ра́скирэ-Дэвлэ́скирэ писха́рья, шарэ́н Ра́скирэ-Дэвлэ́скиро лав.

² Тэ явэ́л бахтало́ Ра́скирэ-Дэвлэ́скиро лав далэ́ дывэсэ́стыр и дурэды́р пэ сарэ́ ве́ки!

³ Мэк тэ шарэ́н Ра́скирэ-Дэвлэ́скиро лав долэ́ часостыр, сыр кхам уштэ́ла кэ/жы́ко дова́ часо, ке́ли кхам бэшэ́ла.

⁴ Рай Дэвэ́л исын вучэды́р сарэ́ Наюдытконэ́ нацые́ндыр, Лэ́скири сла́ва исын вучэды́р болыбна́стыр.

⁵ Кон исын дасаво-паць сыр Рай Дэвэ́л, амаро́ Дэвэ́л, Саво́ хулаинэла вучипна́стыр;

⁶ Саво́ бандия тэлэ́ тэ дыкхэ́л болыбэ́н и пэ пхув.

⁷ Ёв ґаздэ́ла богос прахостыр и ґнэёстыр (ґноёстыр). Ёв вучэ́с чхувэ́ла одолэ́с, конэ́стэ исын трэ́бима,

⁸ соб (кай) ёв тэ бэшэ́л машки́р тхагарьендэ, тхагарьендэ Лэ́скирэ манушэ́ндыр.

⁹ Ёв кэрэ́ла адя́кэ, соб (кай) бичхаворэнгири дай тэ дживэ́л дро кхэр и тэ радынэ́лпэ (тэ лошалё́л) ла́кирэ чхаворэндыр. Аллилуя.