Psalmy 112 - Библия - Пэ Балтитко Романи чиб (Романэс) 2019

¹ Аллилуя. Бахтало́ исын ману́ш, Саво́ дарэ́ла Ра́стыр-Дэвлэ́стыр, Саво́ бахталёла зоралэ́с Лэ́скирэ припхэныбнэндыр.

² Лэ́скирэ чхавэ́ дживэ́на миштэ́с пэ дая́ пхув, а чачипнаскирэ ро́ды, со явэ́на дурэды́р, явэ́на бахталэ́.

³ Миштыпэ́н и барвалыпэ́н явэ́на дро лэ́скиро кхэр и лэ́скиро чачипэ́н ячэ́лапэ пэ сарэ́ ве́ки.

⁴ Дуд (свэ́то) ґаздэ́лапэ дро калыпэ́н (цямлыпэ́н) ваш чачипнаскирэнгэ, и кадава́ ману́ш исын лачхэ́-дескиро и чачипна́скиро, и ёв тангинэла лачхэ́ манушэ́н.

⁵ Лачхо́ ману́ш и дэ́ла пэ паты́в ловэ́ лэ́нгэ, ёв лыджа́ла пэ́скирэ рэ́нды пир Зако́но.

⁶ Пал-дова́ со ёв на пэрэ́ла, чачипнаскирэ манушэ́с явэ́на ўса́ды (сак) тэ рипирэ́н.

⁷ Ёв на явэ́ла тэ дарэл чорэ́ малвэндыр, дро лэ́скиро ило́ исын зорало́ патяибэ́н дрэ Растэ-Дэвлэ́стэ.

⁸ Лэ́скиро ило́ исын твардо, ёв на дарэ́ла, пака ёв дыкхэ́ла вэргэ́н, со ёнэ исын тэл ґэра́.

⁹ Ёв роздыя саро́ илэ́стыр, ёв дыя́ одолэ́нгэ, конэ́стэ исын трэ́бима, лэ́скиро чачипэ́н усады (сак) ячэ́лапэ: лэ́скири зор уса́ буты́р скэдэ́ла паты́в.

¹⁰ Фуй ману́ш явэ́ла тэ дыкхэ́л и лэ́скиро ило́ явэ́ла тэ калёл; ёв явэ́ла тэ скрежынэл дандэнца и тэ нашавэл зор; а дова́, со ёв ужакирдя, хасёла криг.