Psalmy 11 - Библия - Пэ Балтитко Романи чиб (Романэс) 2019

¹ Хоро́скирэ Дирижоро́скэ. Давидо́скиро Пса́лмо. Дрэ Растэ-Дэвлэ́стэ мэ гарадёвава, сыр сашты́ (могинэ́на) мануша́ тэ пхэнэ́н ма́нгэ: “Вурняв(ў) штылэ́с (тихэс) сыр чириклы дрэ бэ́рги.”

² Дыкх! Фуй мануша́ газдынэ пэ́скирэ луки. Ёнэ причхудэ марибны́тка бустя́ (стре́лы) кэ цецивитко шэло, соб (кай) тэ дэн карье дро ило́ чачунэ́ манушэ́нгиро, ке́ли исын цямло.

³ Ко́ли манушы́тко джиибэ́н гия́ бизаконоскиро, со ж тэ кэрэ́л чачунэ́ манушэ́скэ?

⁴ Рай Дэвэ́л исын пэ лэ́скиро свэ́нто штэ́то дро Болыбна́скиро Раё. Лэ́скиро троно исын дро болыбэ́н. Лэ́скирэ якха́ дыкхэ́на, Лэ́скирэ цымблы (ресницы) роздыкхэна манушытконэ́ чхавэ́н.

⁵ Рай Дэвэ́л пропатякирэла чачунэ́ манушэ́с, и фуе́ манушэ́с; Ёв на сыкавэ́ла ла́ска одолэ́скэ, саво́ исын вэргитко.

⁶ Ёв кэрэ́ла, со болыбна́стыр пэрэ́на брышында́, хачкирдэ́ вангара и зэвэлытка (серна) бара́ и хачкирды балва́л, со пэкэла, акэ, со явэ́ла лэ́нгэ Дэвлэ́стыр.

⁷ Пал-дова́ со Рай Дэвэ́л исын чачуно́. Лэ́скэ трэй чачунэ́ рэ́нды манушэ́ндыр, савэ́ явэ́на тэ дживэ́н, кай Дэвэ́л исын.