Osija 8 - Библия - Пэ Балтитко Романи чиб (Романэс) 2019

Израилё Бистрэла Пэ́скирэ Создыибнаскирэс

¹ Причхувэ́н ро́го (труба) кэ ушта́ тумарэ́. Ёв, вэ́рго, явэ́ла сыр о́рло (ки́до) проти Кхэр Ра́скирэ-Дэвлэ́скиро , пал-дова́ со ёнэ пхагирдэ́ Миро Завето и кэрдэ́ бу́нто проти Миро Зако́но.

² Израилё явэ́ла зоралэ́с тэ кхарэл Ман: ‘Миро Дэ́вла, амэ джинэ́са тут!’

³ Израилё чхурдыя́ саро́ лачхипэ́н: о вэ́рго явэ́ла тэ традэлпэ пал лэ́стэ.

⁴ Ёнэ чхувэ́на кралье́н кокорэ́, нэ на Ма́ндыр (бы Миро); ёнэ чхувэ́на тхагарьен (князьен) би Мирэ́-лавэскиро. Лэ́нгирэ рупэ́стыр и сувнака́стыр ёнэ кэрэ́на пэ́скэ и́долы пэ пэ́скиро хасибэ́н.

⁵ Тыро́ гуруворо ячкирдя́ тут, э, Сама́рия! Мири́ холы́ ґаздыя́пэ проти лэ́ндэ. Сыр ґара́ (длу́гэс) явэ́ла кэ дова́, ке́ли ёнэ ячэ́напэ бибангипнаскирэ.

⁶ И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.

⁷ Ёнэ посеиндлэ балва́л, и ёнэ счхинэна штормо: сыр гива́ лэ́ндэ сарэ́са на явэ́на пэ ґэро́й (колосо); на явэ́ла прибарипэн дро яржо́. Ко́ли и выбарьёла лэ́ндэ вари-со, то э чу́жа мануша́ накхавэна (проглынинэна) яржо́ (гив).

⁸ Израилё адя́кэ-паць исын накхадо (проглыниндло): акана́ ёнэ ячнэ́ машки́р Наюды́тка на́цыи сы́рбы кхоро́ (сасудо), со на пир ило́ никонэ́скэ.

⁹ Пал-дова́ со ёнэ гинэ́ кэ Асуро (Асирия) сы́рбы бусо (дико) о́сло (мега́ри), со екхджино́ псирэ́ла, а Ефре́мо змешынэласпэ почастункэнца (пал ловэ́) явирэ – манушытконэ́ нацыенца, соб (кай) тэ дэн паты́в лэ́скэ.

¹⁰ На дыкхи́ пэ дова́, со ёнэ бичхавэнас (покиндлэ) почасту́нки (да́ры) машки́р Наюды́тка на́цыи, акана́ Мэ кэдава лэн и ёнэ лэ́на тэ чуинэн (тэ пиридживэн) пхарэ́с тэл ґа́мо крали́стыр, тхагарьенгирэстыр.

¹¹ Пал-дова́ со Ефреимо кэрдя́ бут алта́ри (жэртвеники) ваш грэ́хо, ёнэ ячнэ́ ваш лэ́скэ сыр алта́ри тэ кэрэ́н грэ́хи.

¹² Мэ чхиндём ваш лэ́скэ барэ́ лава́ Мирэ́ Законо́стыр, нэ ёв погиндя лэн пал чу́жа [ди́вна-ю.о.] пхэныбэна.

¹³ Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

¹⁴ Израилё бистырдя пал Лэ́скирэ Создыибнаскирэстэ, и ёнэ чхудэ́ пэ́скэ мангипнытка штэ́ты (капишчы), и о Юда адя́кэ-паць бутэды́р кэрдя́ пэ́скэ фо́рья зоралэ́ вантаса: нэ Мэ бичхава́ва яг пэ лэ́скирэ фо́рья, и ёй похала лэ́нгирэ барэ́ фэлатиня́ / колова́ (дворцы).