Ниеми́я 7 - Библия - Пэ Балтитко Романи чиб (Романэс) 2019

¹ И сыс адя́кэ: ке́ли ґаздынэ́ ва́нта, и мэ чхудём вудара́, и сыс чхудэ́ тэ дынаринэ́н (тэ служынэн) ракхибна́рья пэ по́рта, и багаибнаскирэ, и Леви́ты,

² то тэ́ньчи мэ припхэндём мирэ́ пшалэ́скэ Хананискэ и барыдырэ́скэ пэ тва́рдыма (диз) Хананияскэ, саво́ сыс дро Ерусалимо, пал-дова́ со ёв сыс патяибны́тко ману́ш буты́р явирэндыр и ёв дарандыя Дэвлэ́стыр буты́р явирэндыр.

³ И пхэндём мэ лэ́нгэ: “Мэк тэ на псиравэн по́рта Ерусалимо́скири, пака кхам тэ на татькирэл ла; и ке́ли ёй исын тэрды, мэк тэ запхандэн ла.” И мэ чхудём стрэгарьенца манушэ́н Ерусалимо́стыр каждонэс пэ пэ́скири стрэ́га, и, соб (кай) каждо тэ явэ́л тэрдо́ пэ стрэ́га проти пэ́скиро кхэр.

Мануша́ Плено́стыр, Савэ Рисинэ́ Ерусалимо́стыр

⁴ Нэ фо́ро сыс баро́ и дро лэ́стэ сыс баро́ штэ́то: нэ мануша́ сыс на́бут одо́й, и кхэра́ на сыс чхудэ́.

⁵ И чхудя́ миро Дэвэ́л дро миро ило́, соб (кай) мэ тэ скэдав лачхэ́-родоскирэ манушэ́н, и барыдырэ́н и явирэ манушэ́н, соб (кай) ма́нгэ тэ пиричхинав лэн пир лэ́нгиро ро́до. И мэ латхём родэнгиро пиричхиныбэн (списко) одолэ́н, савэ́ явнэ́ палэ пэ́рва, и дро списко сыс зачхиндло́:

⁶ Акэ, исын мануша́ округатыр, савэ́ гинэ́ плено́стыр одолэ́ндыр, савэ́н лыджия́ дро пле́но Навуходоносо́ро, кра́ли Вавилоно́скиро, и савэ́ рисинэ́ дро Ерусалимо, и дрэ Юдэ́я, кажно дро пэ́скиро фо́ро.

⁷ Акэ, исын одолэ́, савэ́ гинэ́ Зоровавелёса, Исусо́са (Ёхошуаса), Ниемияса, Азарияса, Раамияса, Нахманиёса, Мардохеёса, Билшаноса, Мисферефоса, Бигваёса, Нехумоса, Ваанаса. И, акэ, кицы́, сыс мануша́ Израилёскирэ:

⁸ Чхавэ́ Парошоскирэ, дуй тысёнцы, шэл тэ эфтадэшадуй;

⁹ Чхавэ́ Сафатияскирэ, дуйшэла́, эфтадэша́ дуй;

¹⁰ Чхавэ́ Арахоскирэ, шовшэла́ пандждэша́.

¹¹ Чхавэ́ Пахат-Моавоскирэ, чхавэ́ндыр Исусоскирэн и Иоавоскирэндыр, дуй тысёнцы, охтошэла дэшуохто;

¹² Чхавэ́ Эламоскирэ, тысёнцо дуйшэла́ пандждэша́ штар.

¹³ Чхавэ́ Затоскирэ, охто́ шэла́ пандждэша́ пандж:

¹⁴ Чхавэ́ Закхаёскирэ, эфташэла́ шовдэша́;

¹⁵ Чхавэ́ Бинуёскирэ, эфташэла́ шовдэша́;

¹⁶ Чхавэ́ Беваёскирэ, шовшэла́ биш тэ охто́;

¹⁷ Чхавэ́ Азгадоскирэ, дуй тысёнцы, триншэла́ биш тэ дуй;

¹⁸ Чхавэ́ Адоникамоскирэ, шовшэла́ шовдэша́ эфта́;

¹⁹ Чхавэ́ Бигваёскирэ, дуй тысёнцы шовшэла́ эфта́;

²⁰ Чхавэ́ Адиноскирэ, шовшэла́ пандждэша́ дуй;

²¹ Чхавэ́ Атэроскирэ, Езэкияскирэ кхэрэ́стыр сыс енядэша охто́;

²² Чхавэ́ Хашумоскирэ, триншэла́ биш тэ охто́;

²³ Чхавэ́ Вецаёскирэ, триншэла́ биш тэ штар;

²⁴ Чхавэ́ Харифоскирэ, шэл тэ дэшуду́й;

²⁵ Савэ бия́ндынэ дрэ Гавао́но, енядэша пандж;

²⁶ Савэ дживдэ́ кэ Вифлее́мо и кэ Нетофа, шэл тэ охтодэша́ охто́;

²⁷ Савэ дживдэ́ кэ Анафофо, шэл тэ биш тэ охто́;

²⁸ Савэ дживдэ́ кэ Беф-Азмавефо, штардэша́ дуй;

²⁹ Савэ дживдэ́, кэ Кариафиаримо, кэ Кефира и кэ Беерофо эфташэла́ штардэша́ трин;

³⁰ Савэ дживдэ́ кэ Фама и кэ Гева, шовшэла́ биш тэ екх;

³¹ Савэ дживдэ́ кэ Михмасо, шэл тэ биш тэ дуй;

³² Савэ дживдэ́ кэ Вефи́лё и кэ Гаё, шэл тэ биш тэ трин;

³³ Савэ дживдэ́ кэ яви́р Нево, пандждэша́ дуй,

³⁴ Чхавэ́ явирэ Эламоскирэ, тысёнцо дуйшэла́ пандждэша́ штар;

³⁵ Чхавэ́ Харимоскирэ, триншэла́ биш;

³⁶ Савэ дживдэ́ кэ Ерихо́но, триншэла́ штардэша́ пандж;

³⁷ Савэ дживдэ́ кэ Лодо, Хадидо и Оно, эфташэла́ биш тэ екх;

³⁸ Савэ бия́ндынэ кэ Сенаё, трин тысёнцо еняшэла трия́нда;

³⁹ Рашая́, Иодаияскирэ чхавэ́н, Исусо́скирэ кхэрэ́стыр (Ёхошуаскирэ), еняшэла эфтадэша́ трин;

⁴⁰ Чхавэ́ Имероскирэ, тысёнцо пандждэша́ дуй;

⁴¹ Чхавэ́ Пашхуроскирэ, тысёнцо дуйшэла́ штардэша́ эфта́;

⁴² Чхавэ́ Харимоскирэ, тысёнцо дэшуэфта.

⁴³ Леви́ты, чхавэ́ Исусо́скирэ (Ёхошуаскирэ), Кадмиилоскирэ кхэрэ́стыр, кхэрэ́стыр, саво́ сыс Годеваскирэ чхавэ́ндэ, эфтадэша́ штар;

⁴⁴ Багаибнаскирэ: чхавэ́ Асафоскирэ, шэл тэ штардэша́ охто́;

⁴⁵ Ракхибна́рья пэ по́рта: чхавэ́ Шалумоскирэ чхавэ́ Атэроскирэ, чхавэ́ Галмоноскирэ, чхавэ́ Акувоскирэ, чхавэ́ Хатитоскирэ, чхавэ́ Шоваёскирэ, – шэл тэ трия́нда охто́.

⁴⁶ Нефинеи: чхавэ́ Цыхаскирэ, чхавэ́ Хасуфаскирэ, чхавэ́ Табаофоскирэ:

⁴⁷ Чхавэ́ Кирососкирэ, чхавэ́ Сияскирэ, чхавэ́ Фадоноскирэ;

⁴⁸ Чхавэ́ Леванаскирэ, чхавэ́ Хагаваскирэ, чхавэ́ Салмаёскирэ;

⁴⁹ Чхавэ́ Хананаскирэ, чхавэ́ Гиделоскирэ, чхавэ́ Гахароскирэ;

⁵⁰ Чхавэ́ Реаияскирэ, чхавэ́ Рецыноскирэ, чхавэ́ Некодоскирэ;

⁵¹ Чхавэ́ Газамоскирэ, чхавэ́ Узаскирэ, чхавэ́ Пасеахоскирэ;

⁵² Чхавэ́ Весаёскирэ, чхавэ́ Меунимоскирэ, чхавэ́ Нефишсимоскирэ;

⁵³ Чхавэ́ Ваквукоскирэ, чхавэ́ Хакуфаскирэ, чхавэ́ Хархуроскирэ;

⁵⁴ Чхавэ́ Вацлифоскирэ, чхавэ́ Мехидаскирэ, чхавэ́ Харшаскирэ;

⁵⁵ Чхавэ́ Варкососкирэ, чхавэ́ Сисараскирэ, чхавэ́ Фамахоскирэ;

⁵⁶ Чхавэ́ Нецыахоскирэ, чхавэ́ Хатифаскирэ.

⁵⁷ Чхавэ́ Соломоно́скирэ писхарьендыр: чхавэ́ Сотаёскирэ, чхавэ́ Соферефоскирэ, чхавэ́ Феридаскирэ;

⁵⁸ Чхавэ́ Иалоскирэ, чхавэ́ Дарноноскирэ, чхавэ́ Гидэлоскирэ;

⁵⁹ Чхавэ́ Сафатияскирэ, чхавэ́ Хатилоскирэ, чхавэ́ Похереф-Гацэваимоскирэ, чхавэ́ Амоноскирэ.

⁶⁰ Сарэ́ Нефинеи и писха́рья Соломоно́скирэ сыс триншэла́ енядэша дуй.

⁶¹ И, акэ, сыс одолэ́, савэ́ адя́кэ-паць выгинэ́ Телмелахостыр, Телхаратыр, Херув-Адоностыр и Имеростыр; нэ ёнэ на могиндлэ́ тэ досыкавэн пал пэ́скиро ро́до, ни пал пэ́скири сэмэ́нца, со ёнэ сыс Израилёстыр.

⁶² Машкир лэ́ндэ сыс: чхавэ́ Делаияскирэ, чхавэ́ Товияскирэ, чхавэ́ Некодаскирэ – шовшэла́ штардэша́ дуй.

⁶³ Рашандыр: чхавэ́ Ховаияскирэ, чхавэ́ Гакоцоскирэ, чхавэ́ Верзелиёскирэ, саво́ лыя́ палоро́м екха чхаендыр Верзелиёскирэ Галаадоскирэндыр и лэс ячнэ́ тэ кхарэ́н лэ́нгирэ лавэ́са.

⁶⁴ Ёнэ родынэ лэ́нгирэ-родэнгиро пиричхиныбэн, и на латхнэ́, и палдава́ лэн вычхурдынэ рашандыр.

⁶⁵ И Тиршафо пхэндя́ лэ́нгэ, соб (кай) ёнэ тэ на хан сама свэ́нта хабэна анги́л дова́, сыр явэ́ла раша́й уримоса и тумимоса.

⁶⁶ Сарэ́ манушэ́н кхэтанэ́ сыс штардэша́ дуй тысёнцы, триншэла́ шовдэша́.

⁶⁷ На гины́ дава́, лэ́ндэ сыс эфта́ тысёнцы триншэла́ трия́нда эфта́ писха́рья и писхарицы и пашы́л лэ́ндэ сыс дуйшэла́ штардэша́ пандж багаибнаскирэ и багаибнарки.

⁶⁸ Лэ́ндэ сыс эфташэла́ трияндаэфта шов граё, и сыс дуйшэла́ штардэша́ пандж лошаки.

⁶⁹ Лэ́ндэ сыс штаршэла́ трияндапандж верблюды, и сыс шов тысёнцы эфташэла́ биш ослы (мега́рья).

⁷⁰ Вари-савэ́ барыдыра́ пэ стрэ́чы (поколении) дынэ́ кокорэ́ пэ́стыр паша́, соб (каи) тэ кэрэ́н бутя́. О Тиршафо дыя́ дрэ пиралы́ бар драхмы сувнака́са, пандждэша́ тахтая́, панджшэла́ трия́нда рашаитка и́ди.

⁷¹ И вари-савэ́ барыдырэндыр пэ стрэ́чы дынэ́ дрэ пиралы́, соб (кай) тэ кэрэ́н бутя́ биш тысёнцы драхмы сувнака́са.

⁷² И яви́р мануша́ дынэ́ биш бара́ драхмы сувнака́са, и дуй бара́ мины (1300 кило) рупэ́са, и шовдэша́ эфта́ рашаитка и́ди.

⁷³ И ячнэ́ тэ дживэ́н рашая́, и Леви́ты, и ракхибна́рья пэ по́рта, и багаибнаскирэ и яви́р мануша́, и, Нефинеи и саро́ Израилё дрэ пэ́скирэ фо́рья.