Ниеми́я 12 - Библия - Пэ Балтитко Романи чиб (Романэс) 2019

Рашая́ и Леви́ты

¹ Ѓа́да, исын рашая́ и Леви́ты, савэ́ явнэ́ Зоровавелёса, Салафилоскирэ чхавэ́са и Исусо́са (Ёхошуаса): Сераия, Ереме́ё, Е́здра,

² Амария, Малухо, Хатушо,

³ Шэхания, Рехумо, Меремофо,

⁴ Идо, Гинефоё, Авия́,

⁵ Миямино, Маадия, Вилга,

⁶ Шэмаия, Иоарифо (Еяриво), Иедая,

⁷ Салу, Амоко, Хелкия, Едаия. Акэ, ёнэ сыс раша́нгирэ шэралэ́ и лэ́нгирэ пша́ла дрэ Исусо́скирэ (Ёхошуаскирэ) дывэса́.

⁸ А Леви́ты: Ису́со (Ёхошуа́), Бинуё, Кадмиило, Шэревия, Юда, Матфания, шэрало́ тэ парикирэ́н Дэвлэ́скэ псалмэнца, ёв и лэ́скирэ пша́ла,

⁹ И Бакбукия и Униё, лэ́нгирэ пша́ла, кон адя́кэ-паць, сыр ёнэ, ракхнэ по́рта.

¹⁰ Исусо́стыр бия́ндыя Иоакимо, Иоакимостыр бия́ндыя Елиашыво, Елиашывостыр бия́ндыя Иоуада,

¹¹ Иоаидастыр бия́ндыя Ионафа́но, Ионафаностыр бия́ндыя Иадуё.

¹² Дрэ Иоакимоскирэ дывэса́ сыс рашая́, родоскирэ (стрэчакирэ) шэралэ́: Сераияскирэ кхэрэ́стыр Мераёскирэ, и Еремеёскирэ, кхэрэ́стыр Ханания,

¹³ Ездраскирэ кхэрэ́стыр Мешуламо, Амарияскирэ кхэрэ́стыр Иоханано,

¹⁴ Мелихоскирэ кхэрэ́стыр Ионафа́но, Шэванияскирэ кхэрэ́стыр Иосифо (Ёза),

¹⁵ Харимоскирэ кхэрэ́стыр Адна, Мераиофоскирэ кхэрэ́стыр Хелкия,

¹⁶ Идоскирэ кхэрэ́стыр Заха́рия, Гинефоноскирэ кхэрэ́стыр Мешуламо,

¹⁷ Авиёскирэ кхэрэ́стыр Заха́рия, Миниаминоскирэ кхэрэ́стыр, Моадиёскирэ кхэрэ́стыр Пилтаё,

¹⁸ Вилгаскирэ кхэрэ́стыр Шамуё, Шэмаияскирэ кхэрэ́стыр Ионафа́но,

¹⁹ Иояривоскирэ кхэрэ́стыр Мафнаё, Едаияскирэ кхэрэ́стыр Узиё,

²⁰ Салаёскирэ кхэрэ́стыр Калаё, Амокоскирэ кхэрэ́стыр Еверо,

²¹ Хелкияскирэ кхэрэ́стыр Хашавия, Недаияскирэ кхэрэ́стыр Нафанаило.

²² Акэ, исын Леви́ты, шэралэ́ пэ стрэ́чы дрэ дывэса́ Елиашывоскирэ, Иоиадаскирэ, Ехананоскирэ и Иадуёскирэ, савэ́ залыджинэ сыс дрэ зачхиныбэн, и адя́кэ-паць рашая́, ке́ли кралиндя Дариё Персиятыр.

²³ Чхавэ́ Левиёскирэ, савэ́ сыс шэралэ́ пэ стрэ́чы, сыс зачхиндлэ́ дрэ родоскири лылвари́ кэ дывэсэ́ Иохананоскирэ, кон сыс чхаво́ Елишывоскиро.

²⁴ Шэралэ́ Левитэ́нгирэ сыс: Хашавия, Шэревия, и Ису́со (Ёхошуа́), чхаво́ Кадмиилоскиро, и пша́ла лэ́нгирэ, ёнэ сыс чхудэ́ тэ бахтякирэн, ке́ли парикирэна, пир Давидо́скиро упхэныбэ́н, кон сыс ману́ш Дэвлэ́скиро – екх змена пал яви́р змена.

²⁵ Матфания, Бакбукия, Овадия, Мешуламо, Талмоно, Акуво-стрэгарья, ракхибна́рья пэ проги кэ по́рта.

²⁶ Ёнэ дживдэ́ дрэ дывэса́, ке́ли сыс Иоакимо, чхаво́ Исусо́скиро, чхаво́ Ёседэкоскиро, и дрэ дывэса́, ке́ли барыдыро́ пэ округа сыс Ниеми́я, и лылвари́тко сыс Е́здра, раша́й.

Ниеми́я Обсвэнцынэла Ва́нта

²⁷ Акана́, сыр обсвэнцынэна ва́нты Ерусалимо́скирэ, то лэ́нгэ трэиндя́ тэ латхэ́н Левитэ́н пир сарэ́ штэ́ты, соб (кай) тэ янэ́н лэн дро Ерусалимо, соб (кай) тэ свэнкинэн, ке́ли обсвэнцынэна и ваш ра́дымакиро свэ́нко, парикирибнаса и багаибнаса тэл зан цымбалэнгири, псалтиренгири и арфакири.

²⁸ И скэдынэ́пэ чхавэ́ багаибнаскирэ округатыр Ерусалимсконатыр и гавэндыр Нетофафоскирэндыр,

²⁹ и Беф-Гагилгалостыр и фэлдэндыр дрэ Гева и Азмавето; пал-дова́ багаибнаскирэ чхудэ́ пэ́скэ гава́ трусця́л Ерусалимо.

³⁰ И жужакирдэ́ (очистиндлэ) пэс рашая́, и Леви́ты, и жужакирдэ́ явирэ манушэ́н, и по́рта, и ва́нта.

³¹ Адя́кэ мэ лыджиём барыдырэ́н Юдэя́тыр пэ ва́нта, и мэ чхудём дуй барэ́ хоры тэ джа́н парикирибнаса, и екх хоро гия́ пэ чачи́ риг вантакири кэ/жы́ко Гнэёскири по́рта.

³² Пал лэ́ндэ гия́ Гашаия, и паш барыдыра́ пэ Юдэ́я;

³³ Аза́рия, Е́здра и Мешуламо,

³⁴ Юда, и Вениамино, и Шэмаия, и Ереме́ё;

³⁵ и вари-савэ́ чхавэ́ раша́нгирэ рогэ́нца (трубэнца): Заха́рия, чхаво́ Ёнафаноскиро, чхаво́ Шэмаияскиро, чхаво́ Матфанияскиро, чхаво́ Михеёскиро, чхаво́ Закуроскиро, чхаво́ Асафоскиро;

³⁶ и пша́ла лэ́скирэ: Шэмаия, Азариило, Милалаё, Гилалаё, Мааё, Нафанаило, Юда, и Хананиё музыкальнонэ струментэнца Давидостыр, саво́ сыс Дэвлэ́скиро ману́ш, и лылвари́тко Е́здра гия́ анги́л лэ́ндэ.

³⁷ Пашы́л фолахароскири (фонтаноскири) по́рта анги́л лэ́ндэ, ёнэ гинэ́ упрэ́ пир ґэруня (ступеньки) кэ фо́ро Давидо́скиро, пэ стылба/уклани (лесвица), сави́ сыс пэ ва́нта пал кхэр Давидо́скиро адя́кэ дур, сыр кэ Панескири по́рта кэ васто́ко.

³⁸ Яви́р хоро, саво́ парикирэлас, гия́ дрэ яви́р риг, и пал лэ́ндэ мэ, и паш народоскири пир ва́нта Бовэскирэ вучардятыр (башнятыр) и кэ буґлы ва́нта.

³⁹ И Ефремо́скирэ портатыр, пашы́л пхураны по́рта, пашы́л Мачхэнгири по́рта, и Хананелоскири портатыр, Меяскирэ портатыр, кэ Бакрэнгири по́рта, и тэрдинэ́ пашы́л Штарибнаскири по́рта.

⁴⁰ Тэ́ньци дуй далэ́ хоры парикирибнытка тэрдинэ́ проти Кхэр Дэвлэ́скиро, мэ и пашы́л ма́нца паш барыдырэ́н.

⁴¹ И рашая́: Елиакимо, Маасея, Миниамино, Михеё, Елиоэнаё, Заха́рия, Ханания рогэ́нца,

⁴² и адя́кэ-паць: Маасея, и Шемаия, и Елиза́ро, и Узиё, и Ёханано, и Малхия, и Еламо, и Езеро. И багандлэ зоралэ́с багаибнаскирэ: лэ́нгиро барыдыро́ сыс Израхия.

⁴³ И янэ́нас дро дова́ дывэ́с барэ́ дыибэна́, и радындлэпэ, пал-дова́ со Дэвэ́л дыя́ лэ́нгэ бари ра́дыма. Радындлэпэ лошаса (радыма́са) и джувля́, и бияты, и ра́дыма (лош) Ерусалимо́скири сыс шундлы дур.

Свэ́нта Бутя́ дрэ Кхангири́

⁴⁴ И дро дова́-паць дывэ́с сыс чхудэ́ мануша́ пир шту́бы дрэ пиралы́ (кладовка) тэ янэ́н свэ́нта дыибэна́, соб (кай) тэ скэдэ́н фэлдэндыр трусця́л фо́рья паша́, савэ́ трэиндя́ рашангэ и Левитэ́нгэ пир Зако́но ваш рашангэ и Левитэ́нгэ; пал-дова́ со Юдэенгэ сыс радыпныткэс тэ дыкхэ́н пэ рашандэ, и пэ Левитэндэ, савэ́ сыс тэрдэ́.

⁴⁵ Савэ кэрдэ́ свэ́нто буты́ пэ́скирэ Дэвлэ́скэ, и савэ́ жужакирдэ́ манушэ́н, и ёнэ сыс багаибнаскирэ и ракхибна́рья пэ по́рта пир упхэныбэ́н Давидо́скиро и лэ́скиро-чхавэ́скиро Соломо́но.

⁴⁶ Пал-дова́ со ґара́ дрэ дывэса́ Давидо́скирэ и Асафоскирэ, сыс чхудэ́ шэралэ́ пэ багаибнаскирэндэ, и шарибнытка гиля́ и гиля́ Дэвлэ́скэ, тэ барьякирэ́н и тэ парикирэ́н.

⁴⁷ Дрэ дывэса́, ке́ли дживдэ́ Зоровавелё и Неемия, сарэ́ Израильтя́ни дэ́нас лэ́нгирэ хабнытка порцыи багаибнаскирэнгэ пэ кажно дывэ́с, и ёнэ отдэнас обсвэнцындлэ предметы (чы́сы) Левитэ́нгэ, а Леви́ты пиридэнас обсвэнцындлэ предметы Аароно́скэ.