Ереме́ё 45 - Библия - Пэ Балтитко Романи чиб (Романэс) 2019

Еремеёскиро Лав тэ Подрикирэл Варухос

¹ Лав, саво́ ракирдя́ проро́ко Ереме́ё Варухоскэ, чхавэ́скэ Нирияскирэскэ, ке́ли о Варухо чхиндя́ далэ́ лава́ дрэ лылвари́ Еремеёскирэ чибатыр пэ шта́рто бэрш Иоакимоскиро (чхаво́ Иосия́скиро), кон сыс кра́ли пэ Юдэ́я, пхэни́:

² “‘Адя́кэ ракирэ́ла Рай Дэвэ́л, Дэвэ́л Израилёскиро’ – ту́кэ, Варухо:

³ ‘Ту пхэндя́н: ‘Бида пэ ма́ндэ акана́! Пал-дова́ со Рай Дэвэ́л дочхудя дукх тугаса кэ ило́. Мэ сом кхинякирдо мирэ́ ґондендыр (ўздохэндыр) и мэ нашты́ (на могина́ва) тэ латхав откхиныбэн.’”

⁴ Нэ ту пхэн Варухоскэ адя́кэ: “Адя́кэ ракирэ́ла Рай Дэвэ́л: ‘Акэ, со Мэ чхудём, дова́ Мэ пхагирава тэлэ́, и со Мэ почхудём дрэ пхув, дова́ Мэ вырискирава, – дава́ исын сари́ дая́ пхув.’

⁵ Ту мангэса (родэса) барэ́ льготы ваш пэ́скэ? На манг лэн, пал-дова́ со, акэ, Мэ яна́ва биба́хт (би́да) пэ кажно (сва́ко) лоч (плоть), – ракирэ́ла Рай Дэвэ́л: Нэ Мэ да́ва тыро́ джиибэ́н (отмэка́ва тут джидэса) ту́кэ сыр дорэсыбэ́н пэ сарэ́ штэ́ты, карик ту на джа́са.’”