Džiibén 10 - Библия - Пэ Балтитко Романи чиб (Романэс) 2019

Савэ На́цыи Ячнэ́ Ноёскирэ Родо́стыр

¹ А́кэ, исын Ноёскирэ-чхавэ́нгиро ро́до: Симо, Хамо и Иафето. Пало́ (после) пане́скиро зачхуибэн (потопо) лэ́ндыр бия́ндынэ чхавэ́.

² Иафетоскирэ чхавэ́ сыс: Гомеро, Магого, Мадаё, Явано [Иавано-р.с.], Фувало, Мешэхо и Фирасо.

³ Гомероскирэ чхавэ́ сыс: Ашкеназо [Аскеназо-р.с.], Рифато и Фогарма.

⁴ Яваноскирэ чхавэ́ сыс: Елиша [Елиса-р.с.], Фарсисо, Китимо (Китими) и Доданимо (Доданими).

⁵ Лэ́ндыр ячнэ́пэ островы (джипа́) манушытконэ́ нацые́нца, пэ лэ́нгирэ пхувья́, кажно ракирдя́ пэ пэ́скири чиб, пир пэ́скиро кхэри́тко ро́до (племё), машкира́л пэ́скирэ манушэ́ндэ.

⁶ Хамоскирэ чхавэ́ сыс: Хушо, Мицраимо, Футо и Ханаано.

⁷ Хушоскирэ чхавэ́ сыс: Сева, Хавила, Савта, Раама и Савтеха. Рамоскирэ чхавэ́: Шэва и Дедано.

⁸ Хушостыр бия́ндыя Нимродо: лэ́скэ трэиндя́ тэ явэ́л зоралэса пэ пхув.

⁹ Ёв сыс анги́л Растэ-Дэвлэ́стэ зорало́ мурдалэнгиро (зверенгиро) старибнари, палдава́ и ракирэ́на: зорало́ мурдалэнгиро (звере́нгиро) старибнари, сыр анги́л Растэ-Дэвлэ́стэ Нимродо.

¹⁰ Кралипэ́н лэ́скиро вагэдыр (англэды́р) сыс: Вавило́но, Эре́хо, Акадо и Халнэ, пэ Сенаароскири пхув.

¹¹ Далэ́ пхувья́тыр выгия́ Асуро (Ассуро), и ёв чхудя́ Ниневия, Рэховоф-иро, Калахо,

¹² И Ресе́но машки́р Нине́вия и машки́р Калахо, дава́ исын баро́ фо́ро.

¹³ Мицраимостыр бия́ндынэ Лудимо, Анамимо, Легавимо, Нафтухимо,

¹⁴ Патрусимо, Каслухимо, каты́р выгинэ́ Филистимля́ни и Кафторимо.

¹⁵ Ханааностыр бия́ндынэ: Сидоно, лэ́скиро англатуно́ чхаво́, и Хе́то,

¹⁶ Евусе́ё, Аморе́ё, Гергесе́ё,

¹⁷ Еве́ё, Арке́ё, Сине́ё,

¹⁸ Арваде́ё, Цэмаре́ё и Химафе́ё [Хамате́ё-ю.о.]. Кодолэ́ дывэсэ́ндыр Ханааноскирэ кхэри́тка ро́ды (пле́ми) розгинэпэ пир ра́зна штэ́ты,

¹⁹ и сыс ме́жа, кай дживдэ́ Ханане́и Сидоностыр проти Гераро кэ Газа, адатхы́р кэ Содо́мо, Гомо́ра, Адма и Цевоимо, кэ Лаша.

²⁰ Кадалэ́ сыс Хамоскирэ чхавэ́, пир лэ́нгирэ кхэри́тка ро́ды (пле́ми), пир лэ́нгирэ екхэ-чибакирэ ирья́ (чиб/ чибья́) (языки), пэ лэ́нгирэ пхувья́, пир лэ́нгирэ манушы́тка на́цыи.

²¹ Сыс и Симостэ чхавэ́, и ёв сыс дад сарэ́нгэ Евероскирэ чхавэ́нгэ, ёв сыс пхурэды́р пшал Иафетоскэ, пхурэдырэ пшалэ́скэ.

²² Симаскирэ чхавэ́ сыс: Еламо, Асуро, Арфаксадо, Лудо, Ара́мо.

²³ Арамоскирэ чхавэ́ сыс: Ўцо, Хуло, Ге́феро и Машо.

²⁴ Арфаксадостыр бия́ндыя Сала, Саластыр бия́ндыя Еве́ро.

²⁵ Еверостыр бия́ндынэ дуй чхавэ́; екхэ́с кхардэ́ Фале́ко, пал-дова́ со дрэ лэ́скирэ дывэса́ росчхуды пэ паша́ сыс пхув; лэ́скирэ пшалэ́с кхардэ́ Иоктано.

²⁶ Иоктаностыр бия́ндынэ Алмодадо, Шалефо, Хацармавефо, Ерахо,

²⁷ Гадорамо, Узало, Дикла,

²⁸ Овало, Авимаило, Шэва,

²⁹ Офиро, Хавила и Иоваво. Сарэ́ кадалэ́ сыс Иоктаноскирэ чхавэ́.

³⁰ Дживдэ́ ёнэ Мешатыр кэ Сефара, васточнонэ бэрга́тыр.

³¹ Кадалэ́ сыс Симоскирэ чхавэ́ пир лэ́нгирэ кхэри́тка ро́ды (пле́ми), пир лэ́нгири екхэ-чибакирэ ирья́ (чиб/ чибья́) (языки), пэ лэ́нгирэ пхувья́, пир лэ́нгирэ манушы́тка на́цыи.

³² Кадалэ́ сыс Ноёскирэ-чхавэ́нгирэ кхэри́тка ро́ды (пле́ми), пир лэ́нгиро ро́до, дрэ лэ́нгирэ манушы́тка на́цыи. Лэ́ндыр ячнэ́ ра́зна мануша́ пэ пхув пало́ потопо (пане́скиро зачхуибэн).