Avakumo 2 - Библия - Пэ Балтитко Романи чиб (Романэс) 2019

¹ И мэ ява́ва тэ тэрдёвав пэ стрэ́га, и мэ ява́ва пэ вало тэ дыкха́в, со Ёв отпхэнэ́ла ма́нгэ, соб (кай) ма́нгэ тэ отпхэнав пэ миро жалиныбэн пэ Лэ́стэ.

Ра́скирэ-Дэвлэ́скиро Отпхэныбэ́н

² Тэ́ньци отпхэндя́ ма́нгэ Рай Дэвэ́л и пхэндя́: “Зачхин дыкхибэ́н и кэр бицялэс (яснэс) дава́ пэ таблицы, соб (кай) кодова́, кон явэ́ла тэ гинэл, сашты́ локхэс тэ гинэл.

³ Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).

⁴ Дыкхэ́н: пхутькирдо ману́ш камэ́ла намиштыпэн и хасёла, нэ чачуно́ ману́ш явэ́ла тэ дживэ́л пир лэ́скиро патяибэ́н.”

Бида пэ Фуе Манушэ́ндэ

⁵ Пхутькирдо ману́ш кэрэ́ла чорипэ́н сыр моля́тыр (виностыр), сави́ здэла лэс, и лэ́скэ уса́ нанэ штылыпэн (спокоё). Пал-дова́ со лэ́скиро тырдыпэ́н барьёла дрэ лэ́стэ сыр штэ́то дро лю́но (адо), и ёв исын на чало сыр мэрибэ́н, ёв, Халдеё, кэдэла кэ пэ сарэ́ манушы́тка ро́ды, и ёв затырдэла (заухтылэла) кэ пэ сарэ́ манушы́тка ро́дыцы.

⁶ Ци на лэ́на сарэ́ кадалэ́ мануша́ (конэ́с ёв росчордя) тэ ракирэ́н притча проти лэ́стэ, и тэ высан лавэ́нца лэс, пхэни́: “Бида пэ лэ́стэ, кон прибарьякирэла кэ пэ дова́, со нанэ лэ́скиро – пэ кицы́ дурэды́р дава́ явэ́ла? Бида пэ кадалэстэ, кон обчхувэла пэс сымаденца (залогэнца)?”

⁷ Ци на ґаздэ́напэ екха́тыр (сра́зу) одолэ́, савэ́ ужакирэ́на тэ дандырэн тут? Ци на джангадёна (на ґаздэ́напэ) одолэ́, савэ́ явэ́на тэ притасавэн тут адя́кэ, со ту ячэса ваш лэ́нгэ сы́рбы лэ́нгиро дорэсыбэ́н?

⁸ Пал-дова́ со ту обчордян бут народы (манушы́тка на́цыи), сарэ́, кон яця́пэ кадалэ́ манушэ́ндыр, явэ́на тэ обчорэн тут пал манушэ́нгиро рат, и пал нахратыма пэ пхув и дро фо́ро, пал сарэ́ манушэ́ндэ, савэ́ дживэ́на пэ дая́ пхув.

⁹ Бида пэ лэ́стэ, кон дорэсэ́ла барвалыпэ́н бибахталэ́ рэндэ́ндыр пэ́скирэ кхэрэ́скэ, соб (кай) лэ́скэ тэ кэрэ́л гня́зда (ку́фо) вучэ́с, соб (кай) ёв саштынэлас тэ зракхэлпэ бибахталэ́ зорья́тыр.

¹⁰ Ту придуминдян ладж пэ́скирэ кхэрэ́скэ, ке́ли ту хасякирдян бут народы (манушы́тка на́цыи), и палдава́ ту лыян грэ́хо пэ пэ́скиро ди.

¹¹ Пал-дова́ со аж бара́ явэ́на тэ дэн го́дла зоралэ́ заня́са вантатыр, и бэранда (перекладины) каштэ́стыр явэ́на тэ отпхэнэн:

¹² “Бида пэ лэ́стэ, кон чхувэ́ла фо́ро пэ рат, и кон зачхувэла тва́рдыма/ фо́ро начапипнаса (чорипнаса)!”

¹³ Акэ, дава́ нанэ янголэ́нгирэ-болыбна́скирэ Ра́стыр-Дэвлэ́стыр, со манушы́тка на́цыи кэрэ́на буты́ пхарэ́с ваш яг, со кхэри́тка ро́ды (пле́ми) кхинякирэна пэс ивья́ (напра́снэс)?

¹⁴ Пал-дова́ со пхув явэ́ла пхэрды́ джиныбнаса пал Ра́скирэ-Дэвлэ́скири сла́ва, сыр паня́ учхакирэна (пхэрдякирэна) мо́рё (дэрья́в).

¹⁵ Бида пэ лэ́стэ, кон дэ́ла тэ пьел пэ́скирэ суседоскэ (котарискэ/пашатунэскэ) и вычхувэла пэ́скири холы́, соб (кай) тэ матякирэл лэс, соб (кай) ёв сыс сашты́ (могиндя́) тэ дыкхэ́л лэ́скиро нангипэ́н.

¹⁶ Ту сан пхэрдо́ ладжаипнаса, а на слава́са. Акана́ Ту адя́кэ-паць, пи! Мэк тэ явэ́л отчхакирдо тыро́ наобчхиныбэн! Тахта́й чачунэ́-вастэскиро Ра́стыр-Дэвлэ́стыр рисёла проти ту́тэ, и ладжаипэ́н (ладжакуно чадыипэн) пэрэ́ла пэ тыро́ барипэ́н (сла́ва).

¹⁷ Пал-дова́ со чорипэ́н, со ту кэрдя́н Ливаноскэ, учхакирэ́ла тут (пэрэ́ла пэ ту́тэ); мурдала́ (жывотна), со ту трашадян лэн, явэ́на тэ трашавэн тут, пал манушэ́нгиро рат, пал чорипэ́н, со кэрдя́н пхувьякэ, фороскэ, и сарэ́нгэ, кон дживэ́ла дро фо́ро.

¹⁸ Саво́ лачхипэ́н исын вычхиндлэ́ мо́стыр, со вычхиныбнаскиро (резчыко) кэрдя́. Вычхиндло муй на сыклякирэ́ла нисоскэ, на дыкхи́ пэ дова́, со лэ́скирэ кэрибнаскиро ману́ш патя́ла дрэ лэ́стэ, ке́ли ёв кэрэ́ла мута (нема) и́долы?

¹⁹ Бида пэ лэ́стэ, кон ракирэ́ла пэ кашт: “Джангадёв (ушты́)!”, кашукэ (мутонэ) барэскэ: “Ушты́!” Ци явэ́ла ёв тэ сыклякирэ́л? Акэ, ёв исын пиричхудо сувнака́са и рупэ́са, нэ нанэ джидо́ ду́хо (фа́но) дрэ лэ́стэ.

²⁰ Нэ Рай Дэвэ́л исын дро Лэ́скири свэ́нто Кхангири́. Мэк сари́ пхув тэ явэ́л штыл анги́л Лэ́стэ [Лэ́скиро муй-р.с.].”