1 Паралипоменоно 8 - Библия - Пэ Балтитко Романи чиб (Романэс) 2019

Вениамоскиро Ро́до

¹ Вениаминостыр бия́ндыя Бэла, лэ́скиро англатуно́ чхаво́, яви́р Ашбе́ло, три́то Ахраё,

² Шта́рто Ноха и па́нджто Рафа.

³ Чхавэ́ Бэласкирэ сыс: Адаро, Гера, Авиудо,

⁴ Авишуа, Наамано, Ахоахо,

⁵ Гера, Шефуфано и Хурамо.

⁶ И ґа́да, сыс чхавэ́ Егудоскирэ, савэ́ сыс родэнгирэ шэралэ́, савэ́ дживдэ́ кэ Ге́ва и пиритрадынэ дро Манахафо:

⁷ Наамано, Ахия и Гера, саво́ вытрадыя́ лэн, лэ́стыр бия́ндыя Уза и Ахихудо.

⁸ Шегараимостыр бия́ндынэ чхавэ́ пэ Моавитоскири пхув пало́ дава́, сыр ёв отмэкця́ пэ́стыр Хушима и Баара, пэ́скирэ ромнен.

⁹ И бияндя́ лэ́стыр Ходеша, лэ́скири ромны́, Иовавос, Цывиёс, Мешос, Малхамос,

¹⁰ Еуцос, Шахиёс и Мирмос: ґа́да, сыс лэ́скирэ чхавэ́, шэралэ́ пэ стрэ́чы.

¹¹ Хушыма бияндя́ лэ́скэ Авитувос и Елпаалос.

¹² Чхавэ́ Елпаалоскирэ сыс: Еве́ро, Мишамо и Шэме́ро, саво́ чхудя́ Оно и Лодо и фо́рья, савэ́ сыс тэл лэ́скири зор, –

¹³ и Берия и Шэма. Ёнэ сыс шэралэ́ пэ Аиалоноскирэ-манушэ́нгирэ стрэ́чы. Ёнэ вытрадынэ́ Гефоскирэ манушэ́н.

¹⁴ Ахио, Шашако, Иремофо,

¹⁵ Зэвадия, Арадо, Еде́ро,

¹⁶ Михаило, Ишфа и Иоха – Берияскирэ чхавэ́.

¹⁷ Зэвадия, Мешуламо, Хизкиё, Хеве́ро,

¹⁸ Ишмераё, Излия и Иоваво – чхавэ́ Елпаалоскирэ.

¹⁹ Якимо, Зихриё, Завдиё,

²⁰ Елиенаё, Цылфаё, Елиило,

²¹ Адаия, Бераия и Шымрафо – Шымеяскирэ чхавэ́.

²² Ишпано, Еве́ро, Елиило,

²³ Авдоно, Зихриё, Ханано,

²⁴ Ханания, Еламо, Антофия,

²⁵ Ифдия и Фенуило – Шашакоскирэ чхавэ́.

²⁶ Шамшэраё, Шэхария, Афалия,

²⁷ Иаре́шыя (Яре́шия), Елия и Зихриё, Ерохамоскирэ чхавэ́.

²⁸ Адалэ́ сыс родэнгирэ шэралэ́, дрэ пэ́скирэ стрэ́чы шэралэ́. Ёнэ дживдэ́ кэ Ерусалимо.

²⁹ Кэ Гавао́но дживдэ́: Гаваонитянэнгиро дад, – лэ́скирэ-ромнякиро лав сыс Мааха, –

³⁰ И лэ́скиро чхаво́, англатуно́ Авдоно, пал лэ́стэ Цуро, Кисо, Ваало, Надаво,

³¹ Гедоро, Ахио, Зехе́ро и Миклофо.

³² Миклофостыр бия́ндыя Шымея. И ёнэ дживдэ́ пашы́л пэ́скирэ пшалэ́ндэ кэ Ерусалимо, кхэтанэ́ пэ́скирэ пшалэ́нца.

³³ Неростыр бия́ндыя Кисо; Кисостыр бия́ндыя Са́уло; Саулостыр бия́ндыя Ионафа́но, Мелхисуё, Авинадаво и Эшбаало.

³⁴ Чхаво́ Ионафаноскиро сыс Мерибаало, Мерибаалостыр бия́ндыя Миха.

³⁵ Чхавэ́ Михаскирэ: Пифоно, Меле́го, Фааре́я и Аха́зо.

³⁶ Ахазостыр бия́ндыя Иоиада; Иоиадостыр бия́ндыя Алеме́фо, Азмаве́фо и Замвриё; Замвриёстыр бия́ндыя Моца;

³⁷ Моцастыр бия́ндыя Бинэё. Рефаия лэ́скиро чхаво́; Елеасо, лэ́скиро чхаво́; Ацэло, лэ́скиро чхаво́.

³⁸ Ацэлостэ сыс шов чхавэ́, и, ґа́да, сыс лэ́нгирэ лава́: Азрикамо, Бохру, Исмаило, Шэария, Овадия и Ханано; сарэ́ ёнэ сыс Ацэлоскирэ чхавэ́.

³⁹ Чхавэ́ Ешэкоскирэ, лэ́скирэ пшалэ́скирэ сыс: Уламо, лэ́скиро англатуно́ чхаво́, яви́р Иеушо, три́то Елифеле́то.

⁴⁰ Чхавэ́ Уламоскирэ сыс мануша́ муршканэ́, савэ́ дэ́нас карье лукостыр, лэ́ндэ сыс бут чхавэ́ и ўнуки (непо́ты): шэл тэ пандждэша́. Сарэ́ ёнэ сыс Вениамино́скирэ чхавэ́ндыр.