1 Паралипоменоно 7 - Библия - Пэ Балтитко Романи чиб (Романэс) 2019

Исахароскири Сэм΄я (Ири)

¹ Чхавэ́ Исахароскирэ сыс: Фола, Фуа, Иашуво (Яшуво) и Шымроно, штарджинэ.

² Чхавэ́ Фоласкирэ сыс: Узиё, Рефаия, Ериило, Яхмаё, Ивсамо и Самуи́ло, шэралэ́ пэ Фоласкирэ стрэ́чы (поколе́нии), мануша́, савэ́ дрэ пэ́скирэ ро́ды сыс муршканэ́ ваш марибэ́н; сыс лэн дрэ Давидо́скирэ дывэса́ биш тэ дуй тысёнцы и шовшэла́.

³ Чхаво́ Узиёскиро сыс: Израхия; чхавэ́ Израхиёскирэ сыс: Михаило, Овадия, Иоилё и Ишыя, панджинэ. Сарэ́ ёнэ сыс шэралэ́ мануша́.

⁴ Лэ́ндэ, пир ро́ды лэ́нгирэ, пир стрэ́чы лэ́нгирэ, сыс скэдынэ́ кэ марибэ́н халадэ́н трия́нда шов тысёнцы; пал-дова́ со лэ́ндэ сыс бут ромне́н и чхавэ́н.

⁵ Лэ́нгирэ пшалэ́н, дрэ сарэ́ Исахароскирэ стрэ́чы, манушэ́н, савэ́ псирдэ́ пэ марибэ́н, сыс охтодэша́ эфта́ (бибишэнгиро шэл) тысёнцы, зачхиндлэ́ дрэ родоскирэ зачхиныбэна (списки).

Вениаминоскири Сэм΄я (Ири)

⁶ Вениаминостэ сыс: Бэла, Бехе́ро и Едиаило, трин чхавэ́.

⁷ Чхавэ́ Беласкирэ сыс: Ецбоно, Узиё, Узиило, Еримофо (Иеримофо) и Ири, пандж, шэралэ́ пэ стрэ́чы (поколении) мануша́, савэ́ псирдэ́ пэ марибэ́н. Дрэ родоскирэ зачхиныбэна (списки) ёнэ сыс зачхиндлэ́: биш тэ дуй тысёнцы трияндаштар.

⁸ Чхавэ́ Бехероскирэ: Земира, Иоашо, Елиезэро (Елизе́ро), Елиоэнаё, Омри, Иремофо, Авия́, Анафофо и Алеме́фо: сарэ́ адалэ́ сыс чхавэ́ Бехероскирэ.

⁹ Дрэ родоскирэ списки сыс зачхиндлэ́ ёнэ пир ро́ды лэ́нгирэ, пир шэралэндэ пэ стрэ́чы, манушэ́н, савэ́ сыс муршканэ́ ваш марибэ́н – биш тысёнцы и дуйшэла́.

¹⁰ Адя́кэ-паць чхаво́ Едиалоскиро сыс: Билгано. Чхавэ́ Билганоскирэ сыс: Еусо, Вениамино, Егудо, Хенаана, Зефано, Фарсисо и Ахишахаро.

¹¹ Сарэ́ адалэ́ Иедиаилоскирэ чхавэ́ сыс стрэчакирэ шэралэ́, мануша́, савэ́ сыс мурша́ ваш марибэ́н; дэшуэфта тысёнцы и дуйшэла́ сыс, савэ́ выгинэ́ пэ марибэ́н.

¹² И Шупимо и Хупимо, сыс чхавэ́ Ираскирэ: Хушымо, сыс чхаво́ Ахероскиро.

Нефалимоскири Сэм΄я (Ири)

¹³ Чхавэ́ Нефалимоскирэ сыс: Яхцэило (Иахцеилё), Гуни, Ецэро и Шиле́мо, чхавэ́ Валакирэ.

Манасия́скирэ Сэм΄я (Ири)

¹⁴ Чхавэ́ Манасия́скирэ сыс: Асриило, савэ́с бияндя́ лэ́скири наложница Арамеянка; ёй бияндя́ Махирос, Галаадоскирэс дадэ́с.

¹⁵ Махиро лыя́ палоро́м Хупимоскирэ и Шупимоскирэ пхэня́, – лэ́нгирэ-пхэнякиро лав сыс Мааха; лав явирэскэ сыс Салпаадо. Салпаадостэ сыс екх чхая́.

¹⁶ Мааха, Махироскири ромны́, бияндя́ чхавэ́с и дыя́ лэ́скэ лав Кере́шо, а лав лэ́скирэ пшалэ́скэ сыс Шэре́шо. Чхавэ́ лэ́скирэ сыс: Уламо и Реке́мо.

¹⁷ Чхаво́ Уламоскиро сыс: Бедано. Ѓа́да, сыс чхавэ́ Галаадо́скирэ, Махироскирэ-чхавэ́скирэ, Манасия́скирэ-чхавэ́скирэ.

¹⁸ Лэ́скири пхэн Молехе́ф бияндя́ Ишгодас, Авиезерос и Махлос.

¹⁹ Чхавэ́ Шэмидаскирэ сыс: Ахиано, Шэхемо, Ликхи и Аниамо.

Ефремо́скири Сэм΄я (Ири)

²⁰ Чхавэ́ Ефремо́скирэ сыс: Шутелахо, и Бере́до, чхаво́ лэ́скиро, и Елеадо, чхаво́ лэ́скиро, и Фамафо, чхаво́ лэ́скиро.

²¹ И Завадо, чхаво́ лэ́скиро, и Шутелахо, чхаво́ лэ́скиро, и Езе́ро и Елеада. И мулякирдэ́ лэн мануша́ Гефоскирэ, савэ́ бия́ндынэ пэ доя́ пхув, пал-дова́, со ёнэ гинэ́ тэ залэн лэ́нгирэ кхэритконэ́ мурдалэ́н.

²² И рондя́ пал лэ́ндэ Ефре́мо, дад лэ́нгиро, бут дывэса́, и явэ́нас лэ́скирэ пша́ла тэ штылякирэн лэс.

²³ Пало́ (после) дава́ ёв загия́ кэ пэ́скири ромны́, и ёй запхария и бияндя́ чхавэ́с, и ёв дыя́ лэ́скэ лав: Берия, пал-дова́ со би́да (биба́хт) латхя́ кхэр лэ́скиро.

²⁴ И чхай лэ́стэ сыс Шее́ра. Ёй чхудя́ Беф-Ороно тэлатуно и упратуно, и Узе́н-Шэе́ро.

²⁵ И Рефаё, чхаво́ лэ́скиро, и Решэфо, и Ослахо, чхаво́ лэ́скиро, и Фахано, чхаво́ лэ́скиро,

²⁶ Лаедано, чхаво́ лэ́скиро, Амиудо, чхаво́ лэ́скиро, Елишамо, чхаво́ лэ́скиро,

²⁷ Ноно, чхаво́ лэ́скиро, Ису́со, чхаво́ лэ́скиро.

²⁸ Маёнки лэ́нгирэ и лэ́нгирэ штэ́ты, кай ёнэ дживдэ́, сыс: Вефи́лё (Бет-Эль) и фо́рья, савэ́ сыс тэл лэ́скири зор; кэ васто́ко Наарано, кэ западо Гезе́ро и фо́рья, савэ́ сыс тэл лэ́скири зор; Сихе́мо и фо́рья, савэ́ сыс тэл лэ́скири зор кэ Газа и фо́рья, савэ́ сыс тэл ла́кири зор.

²⁹ А Манасия́скирэ-чхавэ́нгирэ рига́тыр: Беф-Сано и фо́рья, савэ́ сыс тэл лэ́скири зор, Фаанахо и фо́рья, савэ́ сыс тэл лэ́скири зор, Мегидо и фо́рья, савэ́ сыс тэл лэ́скири зор, Доро и фо́рья, савэ́ сыс тэл лэ́скири зор. Дрэ лэ́ндэ дживдэ́ Иосифо́скирэ (Ёза́скирэ) чхавэ́, Израилёскирэ чхавэ́скирэ.

Асироскири Сэм΄я (Ири)

³⁰ Чхавэ́ Асироскирэ сыс: Имна, Ишва, Ишви и Берия, и лэ́нгири пхэн Серах.

³¹ Чхавэ́ Берияскирэ сыс: Хеве́ро и Малхиило. Ёв сыс Бирзаифоскиро дад.

³² Хеверостыр бия́ндыя Яфле́то (Иафле́то), Шоме́ро и Хофамо, и Шуя, лэ́нгирэ пхэн.

³³ Чхавэ́ Яфлетоскирэ сыс: Пасахо, Бимгало и Ашвафо. Ѓа́да, сыс чхавэ́ Иафлетоскирэ.

³⁴ Чхавэ́ Шэмероскирэ сыс: Ахи, Рохга, Ихуба и Ара́мо.

³⁵ Чхавэ́ Гелемоскирэ, лэ́скирэ-пшалэ́скирэ сыс: Цофахо, Имна, Шэле́шо и Амало.

³⁶ Чхавэ́ Цофахоскирэ сыс: Суахо, Харнефе́ро, Шуало, Бэри, Имра,

³⁷ Бецэро, Годо́, Шама, Шылшо, Ифрано и Бее́ра.

³⁸ Чхавэ́ Ефероскирэ сыс: Ефуниё, Фиспо и Ара.

³⁹ Чхавэ́ Уласкирэ сыс: Арахо, Ханиило и Рицыя.

⁴⁰ Сарэ́ адалэ́ чхавэ́ Асироскирэ сыс шэралэ́ пэ лэ́нгирэ стрэ́чы (поколе́нии), мануша́ выкэдынэ́, мануша́, савэ́ сыс мурша́ пэ марибэ́н, шэралэ́ барыдыра́. Зачхиндлэ́ сыс ёнэ дрэ родоскирэ списки ваш халадэнгэ, ваш марибэ́н, пир гиныбэ́н сыс лэн биш тэ шов тысёнцы мануша́.