1 Паралипоменоно 6 - Библия - Пэ Балтитко Романи чиб (Романэс) 2019

Левиёскири Сэм΄я (Ири)

¹ Чхавэ́ Левиёскирэ сыс: Гирсоно, Каафо и Мерари.

² Чхавэ́ Каафоскирэ сыс: Амрамо, Ицгаро, Хевро́но и Узиило.

³ Чхавэ́ Амрамоскирэ сыс: Ааро́но, Моисе́ё (Мо́йза/ Мося) и Мариам. Чхавэ́ Аароно́скирэ сыс: Надаво, Авиудо, Елиза́ро и Ифамаро.

⁴ Елизаростыр бия́ндыя Финее́со, Финеесостыр бия́ндыя Авишуё;

⁵ Авишуёстыр бия́ндыя Букиё, Букиёстыр бия́ндыя Ози́я;

⁶ Озиястыр бия́ндыя Зэрахия; Зэрахиястыр бия́ндыя Мераиофо;

⁷ Мераиофостыр бия́ндыя Амария, Амариястыр бия́ндыя Ахитуво;

⁸ Ахитувостыр бия́ндыя Садоко, Садокостыр бия́ндыя Ахимаасо;

⁹ Ахимаасостыр бия́ндыя Аза́рия, Азариястыр бия́ндыя Иоанано;

¹⁰ Иоананостыр бия́ндыя Аза́рия, – акэ, сыс одова́, саво́ сыс раша́й дрэ Кхангири́, сави́ чхудя́ Соломо́но дро Ерусалимо.

¹¹ И бия́ндыя Азариястыр Амария, Амариястыр бия́ндыя Ахитуво;

¹² Ахитувостыр бия́ндыя Садоко, Садокостыр бия́ндыя Селумо;

¹³ Селумостыр бия́ндыя Хелкия, Хелкиястыр бия́ндыя Аза́рия;

¹⁴ Азариястыр бия́ндыя Сераё, Сераёстыр бия́ндыя Иоседеко.

¹⁵ Иоседеко гия́ дро пле́но, ке́ли Рай Дэвэ́л пирилыджия тэ дживэ́н Юдэ́н и Ерусалимлянэн вастэ́са Навуходонососкирэса.

¹⁶ И адя́кэ чхавэ́ Левиёскирэ сыс: Гирсоно, Каафо и Мерари.

¹⁷ Ѓа́да, лава́ Гирсоновоскирэ чхавэ́нгирэ сыс: Ливни и Шыме́ё.

¹⁸ Чхавэ́ Каафоскирэ сыс: Амрамо, Ицгаро, Хевро́но и Узиило.

¹⁹ Чхавэ́ Мерарискирэ сыс: Махли и Мушы. Ѓа́да, сыс ро́до Левиёскиро пир лэ́нгиро ро́до.

²⁰ Гирсоностэ сыс: Ливни, чхаво́ лэ́скиро; Иахаво, чхаво́ лэ́скиро; Зима, чхаво́ лэ́скиро;

²¹ Иоахо, чхаво́ лэ́скиро; Идо, чхаво́ лэ́скиро; Зерахо, чхаво́ лэ́скиро; Иеафраё, чхаво́ лэ́скиро.

²² Чхавэ́ Каафоскирэ сыс: Аминада́во, чхаво́ лэ́скиро; Кореё, чхаво́ лэ́скиро; Асиро, чхаво́ лэ́скиро;

²³ Елкано, чхаво́ лэ́скиро; Евиасафо, чхаво́ лэ́скиро; Асиро, чхаво́ лэ́скиро;

²⁴ Тахафо, чхаво́ лэ́скиро; Уриило, чхаво́ лэ́скиро; Узия, чхаво́ лэ́скиро; Са́уло, чхаво́ лэ́скиро.

²⁵ Чхавэ́ Елканоскирэ сыс: Амаса и Ахимофо.

²⁶ Елкано, чхаво́ лэ́скиро; Цофаё, чхаво́ лэ́скиро; Нахафо, чхаво́ лэ́скиро;

²⁷ Елиафо, лэ́скиро чхаво́; Ерохамо (Иерохамо), чхаво́ лэ́скиро; Елкана, чхаво́ лэ́скиро.

²⁸ Чхавэ́ Самуилоскирэ: англатуно́ Иоилё, яви́р Авия́.

²⁹ Чхавэ́ Мерарискирэ: Махли, Ливни, чхаво́ лэ́скиро; Шыме́ё, чхаво́ лэ́скиро; Уза, чхаво́ лэ́скиро;

³⁰ Шыма, чхаво́ лэ́скиро; Хагия, чхаво́ лэ́скиро; Асаия, чхаво́ лэ́скиро.

³¹ Ѓа́да, исын одолэ́, савэ́н Дави́до чхудя́ барыдырэ́нца пэ манушэ́ндэ, савэ́ багандлэ дро Ра́скирэ-Дэвлэ́скиро Кхэр, долэ́ дывэсэ́ндыр, сыр чхудэ́ дрэ лэ́стэ ковчэго.

³² Ёнэ дынариндлэ́ (служиндлэ) манушэ́нгэ, савэ́ багандлэ анги́л скэдыибна́скири ски́ния, пака Соломо́но чхудя́ Ра́скирэ-Дэвлэ́скиро Кхэр дрэ Ерусалимо. И ёнэ тэрдинэ́ пэ пэ́скири буты́ пир пэ́скиро гиибэн (порядко).

³³ Ѓа́да, исын, одолэ́, савэ́ тэрдинэ́ пэ́скирэ чхавэ́нца: чхавэ́ндыр Каафоскирэндыр – Емано багандя, чхаво́ Иоилёскиро, чхаво́ Самуилоскиро,

³⁴ чхаво́ Елканаскиро, чхаво́ Ерохамоскиро (Иерохамоскиро), чхаво́ Елиилоскиро, чхаво́ Тоахаскиро,

³⁵ чхаво́ Цуфоскиро, чхаво́ Елканаскиро, чхаво́ Махафоскиро, чхаво́ Амасаёскиро,

³⁶ чхаво́ Елканаскиро, чхаво́ Иоилёскиро, чхаво́ Азарияскиро, чхаво́ Цэфанияскиро,

³⁷ чхаво́ Тахафоскиро, чхаво́ Асироскиро, чхаво́ Ависафоскиро, чхаво́ Кореёскиро,

³⁸ чхаво́ Ицгароскиро, чхаво́ Каафоскиро, чхаво́ Левиёскиро, чхаво́ Израилёскиро;

³⁹ и лэ́скиро пшал Асафо, саво́ сыс тэрдо́ пэ лэ́скири чачи́ (право) риг, – Асафо, чхаво́ Берехияскиро, чхаво́ Шымаскиро,

⁴⁰ чхаво́ Михаилоскиро, чхаво́ Ваасеяскиро, чхаво́ Малхияскиро,

⁴¹ чхаво́ Ефнияскиро, чхаво́ Зерахоскиро, чхаво́ Адаияскиро,

⁴² чхаво́ Ефаноскиро, чхаво́ Зимаскиро, чхаво́ Шымиёскиро,

⁴³ чхаво́ Иахафоскиро, чхаво́ Гирсоноскиро, чхаво́ Левиёскиро.

⁴⁴ А чхавэ́ндыр Мерарискирэндыр, лэ́нгирэ пшалэ́н, – пэ зэ́рво (ле́во) риг: Ефано, чхаво́ Кишыёскиро, чхаво́ Авдиёскиро, чхаво́ Малухаскиро,

⁴⁵ чхаво́ Хашавияскиро, чхаво́ Амасияскиро, чхаво́ Хелкияскиро,

⁴⁶ чхаво́ Амцыёскиро, чхаво́ Ванияскиро, чхаво́ Шэмероскиро,

⁴⁷ чхаво́ Махлиёскиро, чхаво́ Мушыскиро [Мушыёскиро-р.с.], чхаво́ Мерарискиро, чхаво́ Левиёскиро.

⁴⁸ Лэ́нгирэ пша́ла, адя́кэ-паць Леви́ты, сыс чхудэ́ пэ ра́зна бутя́ пашы́л Дэвлэ́скиро Кхэр;

⁴⁹ Нэ Ааро́но и лэ́скирэ чхавэ́ хачкирдэ́ пэ алта́рё (жэртвенико) цэ́ло схачкирибэ́н и пэ алта́рё кадилэнца, и кэрдэ́ кажно свэ́нто рэ́ндо дрэ Свэ́нто – свэнтэдыр штэ́то и ваш жужакирибэн Израилё дро саро́, сыр припхэндя́ писха́ри Дэвлэ́скиро Моисе́ё (Мо́йза).

⁵⁰ Ѓа́да, исын чхавэ́ Аароно́скирэ: Елиза́ро, чхаво́ лэ́скиро; Финеесо, чхаво́ лэ́скиро; Авиудо, чхаво́ лэ́скиро;

⁵¹ Букиё, чхаво́ лэ́скиро; Узиё, чхаво́ лэ́скиро; Зэрахия, чхаво́ лэ́скиро;

⁵² Мераифо, чхаво́ лэ́скиро; Амария, чхаво́ лэ́скиро; Ахитуво, чхаво́ лэ́скиро;

⁵³ Садоко, чхаво́ лэ́скиро; Ахимаасо, чхаво́ лэ́скиро.

⁵⁴ И ґа́да, исын кхэра́ лэ́нгирэ пир гава́ лэ́нгирэ дрэ ме́жы лэ́нгирэ: чхавэ́ Аароно́скирэ Каафовоскирэ кхэритконэ́ родэндыр, адя́кэ сыр жре́биё выгия́ лэ́нгэ,

⁵⁵ то дынэ́ лэ́нгэ Хевро́но, пэ Юдаскири пхув, и штэ́ты пашы́л фо́ро лэ́скиро трусця́л (вокруг) лэ́стэ;

⁵⁶ далэ́-форо́скирэ фэ́лды и гава́ лэ́скирэ отдынэ́ Халевоскэ, чхавэ́скэ Ефонияскирэскэ.

⁵⁷ Чхавэ́нгэ Аароноскирэскирэ адя́кэ-паць дынэ́ знашыбнытка фо́рья: Хевро́но и Ливна лэ́нгирэ штэтэнца пашы́л фо́ро, Ятиро (Иатиро) и Ештэмоа и лэ́скирэ штэ́ты пашы́л фо́ро,

⁵⁸ и Хиле́но и лэ́скирэ штэ́ты пашы́л фо́ро, Давиро и лэ́скирэ штэ́ты пашы́л фо́ро.

⁵⁹ И Ашано и лэ́скирэ штэ́ты пашы́л фо́ро, Вефсамисо и лэ́скирэ штэ́ты пашы́л фо́ро.

⁶⁰ А Вениамино́скирэ кхэрэ́скирэ родо́скэ – Гева и лэ́скирэ штэ́ты пашы́л фо́ро, и Алемефо, и лэ́скирэ штэ́ты пашы́л фо́ро, и Анафофо и лэ́скирэ штэ́ты пашы́л фо́ро: сарэ́ лэ́нгирэ фо́рья дрэ лэ́нгирэ ро́ды сыс трия́нда фо́рья.

⁶¹ Каафоскирэ чхавэ́нгэ, савэ́, ячнэ́пэ, далэ́ чэкарьендыр пир дава́ ро́дыцо, дыно́ сыс пир жре́биё дэш фо́рья миштыпнаскирэ мератыр Манасия́скирэ родыцо́стыр.

⁶² Чхавэ́нгэ Гирсоноскирэнгэ пир лэ́нгирэ ро́ды, Исахароскирэ родыцо́стыр и Асироскирэ родыцо́стыр, и Нефалимоскирэ родыцо́стыр, и Манасия́скирэ родыцо́стыр дро Васа́но, дыно́ дэшутрин фо́рья.

⁶³ Чхавэ́нгэ Мерарискирэнгэ пир лэ́нгирэ ро́ды, Рувимо́скирэ родыцо́стыр, и Гадо́скирэ родыцо́стыр, и Завулоноскирэ родыцо́стыр, сыс дыно́ пир жре́биё дэшуду́й фо́рья.

⁶⁴ Адя́кэ дынэ́ Израилёскирэ чхавэ́ Левитэ́нгэ далэ́ фо́рья и лэ́нгирэ штэ́ты пашы́л фо́рья.

⁶⁵ И дынэ́ ёнэ пир жре́биё Юда́скирэ-чхавэ́нгирэ родыцо́стыр, и Симёноскирэ чхавэ́нгирэ родыцо́стыр, и Вениамино́скирэ-чхавэ́нгирэ родыцо́стыр долэ́ фо́рья, савэ́ ёнэ кхардэ́ пир лэ́нгирэ лава́.

⁶⁶ Вари-савэ́нгэ Каафоскирэ чхавэ́нгирэ кхэритконэ́ родэ́нгэ дынэ́ сыс фо́рья Ефремо́скирэ родыцо́стыр.

⁶⁷ И дынэ́ сыс лэ́нгэ знашыбнытка фо́рья: Сихе́мо и лэ́скирэ штэ́ты пашы́л фо́ро пэ Ефремо́скири бэ́рга, и Гезеро и лэ́скирэ штэ́ты пашы́л фо́ро,

⁶⁸ и Иокмеамо и лэ́скирэ штэ́ты пашы́л фо́ро, и Беф-Ороно и лэ́скирэ штэ́ты пашы́л фо́ро,

⁶⁹ и Аиалоно и лэ́скирэ штэ́ты пашы́л фо́ро, и Гаф-Римоно и лэ́скирэ штэ́ты пашы́л фо́ро;

⁷⁰ пашатыр Манасия́скирэ родыцо́стыр – Ане́ро и лэ́скирэ штэ́ты пашы́л фо́ро, Билеамо и лэ́скирэ штэ́ты пашы́л фо́ро. Дава́ сыс Каафоскирэ чхавэ́нгирэ стрэчакэ, савэ́ ячнэ́пэ.

⁷¹ Чхавэ́нгэ Гирсоноскирэ кхэритконэ́ родыцо́стыр Манасия́скирэ пашэ́-родыцо́стыр дынэ́ сыс Голано дрэ Васана и лэ́скирэ штэ́ты пашы́л фо́ро, и Аштарофо и лэ́скирэ штэ́ты пашы́л фо́ро.

⁷² Исахароскирэ родыцо́стыр – Кеде́со и лэ́скирэ штэ́ты пашы́л фо́ро, Даврафо и лэ́скирэ штэ́ты пашы́л фо́ро,

⁷³ и Рамо́фо и лэ́скирэ штэ́ты пашы́л фо́ро, и Ане́мо и лэ́скирэ штэ́ты пашы́л фо́ро;

⁷⁴ Асироскирэ родыцо́стыр – Машало и лэ́скирэ штэ́ты пашы́л фо́ро, и Авдоно и лэ́скирэ штэ́ты пашы́л фо́ро,

⁷⁵ и Хукоко и лэ́скирэ штэ́ты пашы́л фо́ро, и Рехово и лэ́скирэ штэ́ты пашы́л фо́ро;

⁷⁶ Нефалимоскирэ родыцо́стыр – Кеде́со дрэ Галиле́я и лэ́скирэ штэ́ты пашы́л фо́ро, и Хамоно и лэ́скирэ штэ́ты пашы́л фо́ро, и Кириафаимо и лэ́скирэ штэ́ты пашы́л фо́ро.

⁷⁷ А явирэ Мерарискирэ чхавэ́нгэ – дыно́ сыс Завулоноскирэ родыцо́стыр Римоно и лэ́скирэ штэ́ты пашы́л фо́ро, Фаворо и лэ́скирэ штэ́ты пашы́л фо́ро.

⁷⁸ Пэ доя́ Иорданоскири риг, проти Ерихо́но, пэ васто́ко Иорданостыр, Рувимо́скирэ родыцо́стыр дынэ́ сыс Восоро пэ чхучи́ пхув и лэ́скирэ штэ́ты пашы́л фо́ро, и Иааца (Яаца) и ла́кирэ штэ́ты пашы́л фо́ро,

⁷⁹ и Кедемофо и лэ́скирэ штэ́ты пашы́л фо́ро, и Мефаафо и лэ́скирэ штэ́ты пашы́л фо́ро;

⁸⁰ Гадо́скирэ родыцо́стыр – Рамо́фо дро Галаа́до и лэ́скирэ штэ́ты пашы́л фо́ро, и Маханаимо и лэ́скирэ штэ́ты пашы́л фо́ро,

⁸¹ и Есево́но и лэ́скирэ штэ́ты пашы́л фо́ро, и Иазе́ро и лэ́скирэ штэ́ты пашы́л фо́ро.