1 Паралипоменоно 4 - Библия - Пэ Балтитко Романи чиб (Романэс) 2019

Юдаскири Сэм΄я (Ири)

¹ Чхавэ́ Юда́скирэ сыс: Фаре́со, Есромо, Харми, Хуро и Шовало.

² Рэаиястыр, кон сыс Шовалоскиро чхаво́, бия́ндыя Иахафо; Иахафостыр бия́ндыя Ахумо и Лагадо: лэ́ндыр сыс Цорянэнгиро ро́дыцо.

³ И адалэ́ сыс чхавэ́ Етамоскирэ: Изрее́лё, Ишма и Идбашо, и лэ́нгири пхэн, пир лав сыс Гацлелпони,

⁴ Пенуэло, Гедороскиро дад, и Езе́ро, Хушаноскиро дад. Ѓа́да, исын чхавэ́ Хураскирэ, саво́ сыс англатуно́ чхаво́ Ефрафостэ, Вифлеемоскирэ дадэ́стэ.

⁵ Ахшуростэ, Фекояскирэ дадэ́стэ, сыс дуй ромня́: Хела и Наара.

⁶ И бияндя́ лэ́скэ Наара Ахузамос, Хеферос, Фимниёс и Ахашфарос; адалэ́ сыс Нааракирэ чхавэ́.

⁷ Чхавэ́ Хелакирэ сыс: Цэре́фо, Цохаро и Ефнано.

⁸ Коцостыр бия́ндыя: Ануво и Цове́во и Ахархелоскирэ кхэри́тка ро́ды (пле́ми), саво́ сыс Гарумоскиро чхаво́.

⁹ Иависо сыс славутнэдыр пэ́скирэ пшалэ́ндыр. Э дай дыя́ лэ́скэ лав Иависо, пхэндя́: “Мэ бияндём лэс насвалыпнаса.”

¹⁰ И кхардя́ зоралэ́с Иависо Дэвлэ́с Израилёскирэс, и пхэндя́: “О, ко́ли бы Ту бахтякирдян ман Тырэ́ бахтякирибнаса, и тэ кэрэ́с барэды́р мирэ́ рига́, и васт Тыро́ тэ явэ́л ма́нца, тэ ракхэ́л ман фуипнастыр, соб (кай) мэ тэ на пэрав!” И Дэвэ́л дыя́ лэ́скэ, со ёв мангдя́.

¹¹ Хелувостыр, Шухаскирэ пшалэстыр, бия́ндыя Махиро; ёв сыс Ештоноскиро дад.

¹² Ештоностыр бия́ндыя Беф-Рафо, Пасеахо и Техина, кон сыс дад фороскэ Наасо; адалэ́ сыс мануша́ Рехатыр.

¹³ Чхавэ́ Кеназоскирэ сыс: Гофониило и Сераия. Гофониилоскиро чхаво́ сыс: Хафафо,

¹⁴ и Меонофаё, савэ́стыр бия́ндыя Офра, а Сераиястыр бия́ндыя Иоа́во, кон сыс барыдыро́ пэ плотникэнгиро до́ло, пал-дова́ со ёнэ сыс кхэра́-кэрибнаскирэ (плотники).

¹⁵ Чхавэ́ Халевоскирэ, Иефонииноскирэ чхавэ́скирэ сыс: Иро, Ила и Наамо. Иласкиро чхаво́ сыс: Кеназо.

¹⁶ Чхавэ́ Егалелэлоскирэ сыс: Зифо, Зифа, Фирия и Асареело.

¹⁷ Чхавэ́ Езраскирэ сыс: Иефе́ро, Мере́до, Эфе́ро и Иалоно; Иеферостыр бия́ндыя Меромо, Шамаё и Ишбахо, кон сыс Ешфемояскиро дад.

¹⁸ И лэ́скири ромны́ Юдия бияндя́ Ередос (Иередос), Гедороскирэс дадэ́с, и Хеверос, Сохоскирэс дадэ́с, и Екуфиилос, Занаохаскирэс дадэ́с. Адалэ́ сыс Бифьякирэ чхавэ́, фараоно́скирэ чхакирэ, савья́ лыя́ палоро́м Мере́до.

¹⁹ Чхавэ́ Годиякирэ, лэ́скирэ ромнякирэ, кон сыс пхэн Нахамоскири, Кеилоскирэ-дадэ́скири: Гармо и Ешфемоа-Маахатянино.

²⁰ Чхавэ́ Симеоноскирэ сыс: Амноно, Рина, Бенханано и Филоно. Чхавэ́ Ишыяскирэ сыс: Зохе́фо и Бензохе́фо.

²¹ Чхавэ́ Силомоскирэ, Юда́скирэ чхавэ́скирэ, сыс: Иро, Лехоскиро дад, и Лаедо, Марешаскиро дад, и конэ́скири сэ́м΄я (ири́) обкэрэлас висоно, Ашбеёскирэ кхэрэ́стыр,

²² и Иокимо, и мануша́ Хозевакирэ, и Иоашо и Сарафо, савэ́ндэ сыс фэлатиня́ дро Моа́во, и дрэ Иашувилехемо; нэ дава́ сыс древа́н ґара́.

²³ Ёнэ кэрдэ́ пирья и дживдэ́ пашы́л унты (сады) и дрэ барья (огороды); одо́й дживдэ́ ёнэ ваш крали́скэ пашы́л лэ́скирэ бутя́.

²⁴ Чхавэ́ Симеоноскирэ сыс: Немуило, Ямино (Иамино), Яриво (Иариво), Зерахо и Са́уло,

²⁵ И чхаво́ лэ́скиро Шалумо; и чхаво́ лэ́скиро Мивсамо; и лэ́скиро чхаво́ Мишма.

²⁶ Чхавэ́ Мишмаскирэ сыс: Хамуило, лэ́скиро чхаво́; лэ́скиро чхаво́ Закуро; лэ́скиро чхаво́ Шыме́ё.

²⁷ Шымеёстэ сыс дэшушов чхавэ́ и шов чхая́; лэ́скирэ пшалэ́ндэ чхавэ́н сыс на́бут, и саро́ лэ́нгиро кхэри́тко ро́до (пле́мё) на адя́кэ сыс баро́, сыр кхэри́тко ро́до Юда́скирэ-чхавэ́нгиро.

²⁸ Ёнэ дживдэ́ кэ Вирса́вия, Молада, Хацаршуала,

²⁹ кэ Билга, кэ Ецэмо, кэ Фоладо,

³⁰ кэ Бефуило, кэ Хорма, кэ Циклаго,

³¹ кэ Беф-Маркавофо, кэ Хацарсусима, кэ Беф-Бирея и кэ Шааримо. Ѓа́да, сыс лэ́нгирэ фо́рья кэ Давидо́скиро кралипэ́н,

³² лэ́нгирэ гавэнца: Етамо, Аино, Римоно, Фоке́но и Ашано, – пандж фо́рья.

³³ Сарэ́ лэ́нгирэ гава́, савэ́ сыс трусця́л далэ́ фо́рья кэ Ваала; ґа́да, сыс лэ́нгирэ-джиибна́скирэ штэ́ты и лэ́нгирэ-родэнгири история.

³⁴ Мешоваво, Иамлехо и Иосия, Амасияскиро чхаво́,

³⁵ Иоило и Егу (Ие́гу), Иошывискиро чхаво́, Сераияскирэ чхавэ́скиро, Асииловоскирэ чхавэ́скиро,

³⁶ Елиоенаё, Иакова, Ишохаия, Асаия, Адиило, Ишымиило и Ване́я,

³⁷ и Зиза, Шыфияскиро чхаво́, Алоноскиро чхаво́, Иедаияскиро чхаво́, Шимриёскиро чхаво́, Шэмаёскиро чхаво́.

³⁸ Адалэ́ мануша́, савэ́ исын чхиндлэ́ пир лав, сыс тхага́рья пир пэ́скирэ кхэри́тка ро́ды, и лэ́нгирэ-дадэ́нгиро кхэр, розбарияпэ пэ бут сэмэнцы,

³⁹ ёнэ догинэ́ кэ Герара и кэ васточно риг долоскири, соб (кай) тэ латхэ́н чаритка фэ́лды ваш пэ́скирэ кхэритконэ́ мурдалэ́нгэ (ското):

⁴⁰ и латхнэ́ чаритка фэ́лды кэ чалыпэн и лачхэ́ и пхув бари, штыл и бидаракири, пал-дова́ со кэ ёнэ дживдэ́ одо́й екх на́бут Хамитяни.

⁴¹ И явнэ́ адалэ́ мануша́, савэ́ сыс зачхиндлэ́ пир лав, дрэ дывэса́ Езэкияскирэ, Юдэя́кирэ-крали́скирэ, и домардэ́ манушэ́н, савэ́ лодынэ и штэтытконэ манушэ́н, савэ́ одо́й дживдэ́, и протрадынэ лэн сарэ́са, и лынэ́ тэ дживэ́н пэ лэ́нгиро штэ́то; пал-дова́ со одо́й сыс чаритка фэ́лды ваш лэ́нгирэ кхэритконэ́ мурдалэ́нгэ.

⁴² Лэ́ндыр, Симеоноскирэ чхавэ́ндыр, гинэ́ кэ бэ́рга Сеиро панджшэла́ мануша́: Фелатия, Неария, Рефаия и Узиило, Ишыяскирэ чхавэ́, ёнэ сыс лэ́нгирэ шэралэ́ (главна мануша́).

⁴³ И домардэ́ ёнэ Амаликитянэн, савэ́ ячнэ́пэ джидэ́ одо́й, и дживэ́на одо́й кэ дава́ дывэ́с.