1 Паралипоменоно 3 - Библия - Пэ Балтитко Романи чиб (Романэс) 2019

Давидоскири Сэм΄я (Ири)

¹ Чхавэ́ Давидо́скирэ, савэ́ бия́ндынэ лэ́стыр дро Хевро́но, сыс: англатуно́ чхаво́-Амноно, Ахиноаматыр Изреелитянкатыр; яви́р – Далуия [Дание́лё-ю.о.], Авигеятыр Кармилитянкатыр;

² три́то – Авесало́мо, Маахиякиро чхаво́, Фалмаёскирэ-чхакирэ, Гесуроскирэ крали́скирэ; шта́рто – Адония, Агифаскиро чхаво́;

³ па́нджто – Сафатия, Авиталатыр; шо́вто – Ифреамо, Аглаятыр, лэ́скирэ ромнятыр, –

⁴ адалэ́ шов бия́ндынэ лэ́стыр дро Хевро́но; одо́й ёв сыс крали́са эфта́ (битринэ́нгиро дэш) бэрш и шов чхона́; а трия́нда трин бэрш сыс кра́ли дро Ерусалимо.

⁵ Адалэ́ чхавэ́ лэ́стыр бия́ндынэ дро Ерусалимо: Шымо, Шоваво, Нафано и Соломо́но, штар Вирсавиятыр, Амиилоскирэ чхатыр;

⁶ Ивхаро, Елишамо, Елифеле́то,

⁷ Ногаго, Нефе́го, Иафиа (Яфиа),

⁸ Елишама, Елиада и Елифеле́то – еня́ (биекхэ́скиро дэш).

⁹ Ѓа́да, сыс сарэ́ Давидо́скирэ чхавэ́, апри́ч чхавэ́ндэ наложницэндыр. Пхэн лэ́нгири сыс Фамарь.

¹⁰ Чхаво́ Соломоно́скиро сыс Ровоа́мо; лэ́скиро чхаво́ Авия́; лэ́скиро чхаво́ Аса́; лэ́скиро чхаво́ Иосафа́то;

¹¹ Лэ́скиро чхаво́ Иора́мо; лэ́скиро чхаво́ Охозия; лэ́скиро чхаво́ Иоа́со;

¹² Лэ́скиро чхаво́ Ама́сия; лэ́скиро чхаво́ Аза́рия; лэ́скиро чхаво́ Иофа́мо;

¹³ Лэ́скиро чхаво́ Аха́зо; лэ́скиро чхаво́ Езэки́я; лэ́скиро чхаво́ Мана́сия;

¹⁴ Лэ́скиро чхаво́ Амоно; лэ́скиро чхаво́ Иосия.

¹⁵ Чхавэ́ Иосияскирэ сыс: англатуно́ чхаво́ Иоахазо, яви́р Иоакимо, три́то Сэдэки́я, шта́рто Селумо.

¹⁶ Чхавэ́ Иоакимоскирэ сыс: Ехония, лэ́скиро чхаво́; Сэдэки́я, лэ́скиро чхаво́.

¹⁷ Чхавэ́ Ехонияскирэ сыс: Асиро, Салафиило, лэ́скиро чхаво́;

¹⁸ Малкирамо, Федаия, Шэнацаро, Езэки́я, Гошамо и Савадия.

¹⁹ И чхавэ́ Федаияскирэ сыс: Зоровавелё и Шыме́ё. Чхавэ́ Зоровавелёскирэ: Мешуламо и Ханания, и Шеломиф, лэ́нгири пхэн,

²⁰ и ишчо (инкэ́) пандж сыс: Хашува, Оге́ло, Бере́хия, Хасадия и Иушав (Юшав)-Хесе́до.

²¹ И чхавэ́ Хананияскирэ сыс: Фелатия и Исаё; лэ́скиро чхаво́ Арнано; лэ́скиро чхаво́ Овадия, лэ́скиро чхаво́ Шэхания.

²² Чхаво́ Шэханияскиро сыс: Шэмаия; чхавэ́ Шемаияскирэ: Хатушо, Игеало, Бариахо, Неариё и Шафато, шовджинэ.

²³ Чхавэ́ Неарияскирэ сыс: Елиоэнаё, Езэки́я и Азрикамо, тринджинэ.

²⁴ Чхавэ́ Елиоэнаёскирэ сыс: Годавьягу, Елеашыво, Фелаия, Акуво, Иоханано, Делаия и Анани, эфтаджинэ.