1 Паралипоменоно 24 - Библия - Пэ Балтитко Романи чиб (Романэс) 2019

Рашая́ пир Лэ́нгиро Дынарибэ́н

¹ И ґа́да, сыр росчхудэ пир гиибэн (порядко) Аароно́скирэ чхавэ́: чхавэ́ Аароно́скирэ: Надаво, Авиудо, Елиза́ро и Ифамаро.

² Надаво и Авиудо мынэ́ англэды́р пэ́скирэ дадэ́стыр, чхавэ́ на сыс лэ́ндэ; и пал-дова́ Елиза́ро и Ифамаро сыс рашая́.

³ И росчхудя́ лэн Дави́до-Садокос, Елизароскирэ чхавэ́ндыр, и Ахимелехос, Ифамароскирэ чхавэ́ндыр, екх пал екхэ́стэ пэ лэ́нгиро дынарибэ́н (служба).

⁴ И латхяпэ, со машки́р Елизароскирэ чхавэ́ндэ машки́р стрэчэнгирэ (поколиенгирэ) шэралэндэ сыс буты́р, сыр машки́р Ифамароскирэ чхавэ́ндэ. И ёв росчхудя́ лэн адя́кэ: Елизароскирэ чхавэ́ндыр дэшушов чэкарьенгирэ (семействэнгирэ) шэралэ́, а Ифамароскирэ чхавэ́ндыр охто́.

⁵ Росчхудя лэн пир жре́биё; пал-дова́ со шэралэнца пэ свэ́нто штэ́то и шэралэнца анги́л Растэ-Дэвлэ́стэ сыс мануша́ Елизароскирэ чхавэ́ндыр и Ифамароскирэ чхавэ́ндыр,

⁶ и зачхиндя́ лэн Шэмия, чхаво́ Нафанаилоскиро, лыла́-чхиныбнаскиро (писцо) Левитэндыр, анги́л муй крали́скиро и тхагарьенгиро, и анги́л рашастэ Садокостэ и Ахимелехостэ, Авиафароскирэ чхавэ́стэ, и анги́л раша́нгирэ сэм΄енгирэ шэралэндэ и Левитэнгирэндэ: лынэ́, сыр тэ чхурдэ́н жре́биё, екх чэ́карь (семейство) Елизароскирэ родо́стыр, пало́ (после) дова́ лынэ́ Ифамароскирэ родо́стыр.

⁷ И выгия́ пэ́рво жре́биё Егоиаривоскэ, яви́р Едаиёскэ,

⁸ три́то Харимоскэ, шта́рто Сеоримоскэ,

⁹ па́нджто Малхиёскэ, шо́вто Мияминоскэ,

¹⁰ эфта́то Гакоцоскэ, охто́то Авияскэ,

¹¹ еня́то (биекхэ́скиро дэ́што) Иешуаскэ, дэ́што Шэханияскэ,

¹² дэшуе́кто Елиашывоскэ, дэшуявир Якимоскэ,

¹³ дэшутрито Хушаёскэ, дэшуштарто Ешэвавоскэ,

¹⁴ дэшупанджто Вилгаскэ, дэшушовто Имероскэ,

¹⁵ дэшуэфтато Хезироскэ, дэшуохтото Гапицэцоскэ,

¹⁶ дэшуенято Петахияскэ, бишэнгиро Езэкиилёскэ,

¹⁷ биш тэ пэ́рво Иахиноскэ, биш тэ яви́р Гамулоскэ,

¹⁸ биш тэ три́то Делаиёскэ, биш тэ шта́рто Маазияскэ.

¹⁹ Ѓа́да, сыс лэ́нгиро гиибэн (порядко) пашы́л дынарибэ́н лэ́нгиро, сыр лэ́нгэ тэ явэ́н дро Ра́скирэ-Дэвлэ́скиро Кхэр, пир упхэныбэ́н лэ́нгиро пир Аароностэ, лэ́нгирэ дадэ́стэ, сыр припхэндя́ лэ́скэ Рай Дэвэ́л, Дэвэ́л Израилёскиро.

Яви́р Леви́ты

²⁰ Акэ, сыр росчхудэ пир гиибэн (порядко) явирэ чхавэ́н Левиёскирэн: Амрамоскирэ чхавэ́ндыр: Шуваило; чхавэ́ндыр Шуваилоскирэндыр: Иедия;

²¹ Рехавиястыр: чхавэ́ндыр Рехавияскирэндыр Ишыя сыс англатуно́;

²² Ицгаростыр: Шэломофо; чхавэ́ндыр Шэломофоскирэндыр: Иахаво;

²³ чхавэ́ндыр Хевроноскирэндыр: англатуно́ Иерия, яви́р Амария, три́то Яхазиило, шта́рто Екамамо.

²⁴ Чхавэ́ндыр Озиилоскирэндыр: Миха; чхавэ́ндыр Михаскирэндыр: Шамиро.

²⁵ Пшал Михаскиро Ишыя; чхавэ́ндыр Ишыяскирэндыр: Заха́рия.

²⁶ Чхавэ́ Мерарискирэ: Махли и Муша; чхавэ́ндыр Иазияскирэндыр: Бе́но.

²⁷ Чхавэ́ндыр Мерарискирэндыр Иазиятэ: Бе́но и Шогамо, и Закуро и Иври.

²⁸ Махлистэ-Елиза́ро (Элеазаро); лэ́стэ на сыс чхавэ́.

²⁹ Кисостэ: чхавэ́ндыр Кисоскирэндыр: Ерахмиило.

³⁰ Чхавэ́ Мушаскирэ: Махли, Еде́ро и Еримофо. Ѓа́да, сыс чхавэ́ Левитэ́нгирэ пир стрэ́чы (поколении) лэ́нгирэ.

³¹ Чхурдынэ́ и ёнэ жре́биё, кхэтанэ́ пэ́скирэ пшалэ́нца, Аароно́скирэ пшалэ́нца, анги́л муй крали́скиро Давидо́скиро и Садокоскиро и Ахимелехоскиро, и раша́нгирэ-шэралэнгиро и Левитэнгиро: чэкарьенгирэ (семействэнгирэ) шэралэнгиро кхэтанэ́ пэ́скирэ тыкнэдыршонэ пшалэса.