1 Паралипоменоно 2 - Библия - Пэ Балтитко Романи чиб (Романэс) 2019

Израилёскири Сэм΄я (Ири)

¹ Ѓа́да, сыс Израилёскирэ чхавэ́: Рувимо, Симеоно, Ле́виё, Юда, Исахаро, Завулоно,

² Дано, Ёза (Иосифо), Вениамино, Нефалимо, Гадо и Асиро.

Юдастыр кэ Дави́до

³ Чхавэ́ Юда́скирэ сыс: Иро, Онано и Сило́мо, – трин бия́ндынэ лэ́стэ Шуевоскирэ чхатыр, Хананеянкатыр. И сыс Иро, англатуно́ Юда́скиро чхаво́, на́лачхо дрэ Ра́скирэ-Дэвлэ́скирэ якха́; и Ёв мулякирдя́ лэс.

⁴ И Фамарь, лэ́скири бори, бияндя́ лэ́скэ Фаресос и Зарас. Сарэ́н чхавэ́н Юдастэ сыс панджинэ.

⁵ Чхавэ́ Фаресоскирэ сыс: Есромо и Хамуло.

⁶ Чхавэ́ Зароскирэ сыс: Зимри, Ефано, Емано, Халколо и Да́ро; сарэ́н лэн сыс пандж.

⁷ Чхавэ́ Хамрискирэ сыс: Ахаро, саво́ яндя́ би́да пэ Израилё, и саво́ отпарудя совэ́л.

⁸ Чхавэ́ Ефаноскиро сыс: Аза́рия.

⁹ Чхавэ́ Есромоскирэ, савэ́ бия́ндынэ лэ́стыр: Иерахмеило, Ара́мо и Хелуваё.

¹⁰ Арамостыр бия́ндыя Аминада́во; Аминадавостыр бия́ндыя Наасо́но, Юда́скирэ-чхавэ́нгиро тхага́ри (князё);

¹¹ Наасоностыр бия́ндыя Соломо́но, Соломоностыр бия́ндыя Воозо;

¹² Воозостыр бия́ндыя Овидо, Овидостыр бия́ндыя Иесе́ё (Есеё);

¹³ Есеёстыр бия́ндыя англатуно́ лэ́скиро чхаво́ Елиавасо, яви́р – Амидаво, три́то – Саму,

¹⁴ шта́рто – Нафанаило, па́нджто – Радаё,

¹⁵ шо́вто – Оцэмо, эфта́то – Дави́до.

¹⁶ Пхэня лэ́нгирэ сыс: Саруия и Авиге́я. Чхавэ́ Саруиякирэ сыс: Аве́са, Иоа́во и Азаило, трин.

¹⁷ Авиге́я бияндя́ Амесас; дад Амесаскиро – Иеферо, Измаильтянино.

¹⁸ Халевостыр, кон сыс чхаво́ Есромоскиро, бияндя́ Азува, лэ́скири ромны́, и Ериофа, и ґа́да, сыс лэ́скирэ чхавэ́: Ешэро, Шоваво и Ардоно.

¹⁹ И мыя́ Азува; и лыя́ пэ́скэ Хале́во ромня́ Ефрафа, и ёй бияндя́ лэ́скэ Хурос.

²⁰ Хуростыр бия́ндыя Уриё, Уриёстыр бия́ндыя Веселиило.

²¹ Пало́ дава́ Есромо загия́ кэ чхай Махироскири, Галаадо́скирэ-дадэ́скири, и лыя́ ла, лэ́скэ сыс шовдэша́ бэрш; и ёй бияндя́ лэ́скэ Сегувос.

²² Сегувостыр бия́ндыя Иаиро, и сыс лэ́стэ биш тэ трин фо́рья пэ Галаадоскири пхув.

²³ Нэ Гесуряни и Сирияни лынэ́ лэ́ндыр гаворэ Иаироскирэ, Кенафо и фо́рья, савэ́ сыс тэл лэ́скири зор – шовдэша́ фо́рья. Сарэ́ далэ́ фо́рья Махироскирэ чхавэ́нгирэ, Галаадо́скирэ дадэ́скирэ.

²⁴ Сыр Есромо мыя́ дро Халев-Ефрафо, Есромоскири ромны́, Авия́, бияндя́ лэ́скэ Ашхурос, Фекояскирэ дадэ́с.

²⁵ Чхавэ́ Ерахмеилоскирэ, англатунэ́-Есромоскирэ чхавэ́скирэ сыс: англатуно́ чхаво́ Рамо, пал лэ́стэ Вуно, Оре́но, Оцэмо и Ахия.

²⁶ Сыс Ерахмеилостэ и яви́р ромны́, лав ла́киро сыс Афара; ёй сыс дай Онамоскири.

²⁷ Чхавэ́ Рамоскирэ, англатунэ́ Ерахмеилоскирэ чхавэ́скирэ, сыс: Маацо, Иамино (Ямино) и Еке́ро.

²⁸ Чхавэ́ Онаманоскирэ сыс: Шамаё и Иада (Яда). Чхавэ́ Шамаёскирэ: Надаво и Авишуро.

²⁹ Лав Авишуроскирэ ромнякэ сыс Авихаиль, и ёй бияндя́ лэ́скэ Ахбанос и Молидос.

³⁰ Чхавэ́ Надавоскирэ сыс: Селе́до, и Афраимо. И мыя́ Селе́до, на сыс чхавэ́ лэ́стэ.

³¹ Чхаво́ Афаимоскиро сыс: Ишыё. Чхаво́ Ишы΄ёскиро сыс: Шэшано; Шэшаноскиро чхаво́ сыс Ахлаё.

³² Чхавэ́ Иадоскирэ, Шамаёскирэ пшалэ́скирэ: Иефе́ро и Ионафа́но. Иефе́ро мыя́, на сыс лэ́стэ чхавэ́.

³³ Чхавэ́ Ионафаноскирэ: Пеле́фо и Заза. Далэ́ сыс Иерахмеилоскирэ чхавэ́.

³⁴ Шэшаностэ на сыс чхавэ́, а екх чхая́. Шэшаностэ сыс писха́ри, Египтянино, лав лэ́скиро сыс Ярха (Иарха);

³⁵ Шэшано отдыя́ пэскирья́ чха палоро́м Ярхаскэ, пал пэ́скирэ писхаристэ; и ёй бияндя́ лэ́скэ Атаёс.

³⁶ Атаёстыр бия́ндыя Нафано, Нафаностыр бия́ндыя Завадо;

³⁷ Завадостыр бия́ндыя Ефлало, Ефлалостыр бия́ндыя Овидо;

³⁸ Овидостыр бия́ндыя Иеуё (Еуё), Еуёстыр бия́ндыя Аза́рия;

³⁹ Азариястыр бия́ндыя Хеле́цо, Хелецостыр бия́ндыя Елеасо;

⁴⁰ Елеасостыр бия́ндыя Сисмаё, Сисмаёстыр бия́ндыя Салумо;

⁴¹ Салумостыр бия́ндыя Иекамия (Екамия), Иекамиястыр бия́ндыя Елишама.

⁴² Чхавэ́ Халевоскирэ, Ерахмеилоскирэ пшалэ́скирэ сыс: Меша, англатуно́ лэ́скиро чхаво́, – ёв сыс Зифаскиро дад; а лэ́стыр бия́ндыя Маре́ша, ёв сыс дад Хевроноскэ.

⁴³ Чхавэ́ Хевроноскирэ сыс: Коре́ё и Тапуахо, и Реке́мо и Шэма.

⁴⁴ Шэмастыр бия́ндыя Рахамо, кон сыс Ёркеамоскиро дад, а Рекемостыр бия́ндыя Шамаё.

⁴⁵ Чхаво́ Шамаёскиро сыс: Маоно, а Маоно сыс Беф-Цуроскиро дад.

⁴⁶ И Ефа, Халевоскири наложница, бияндя́ Харанос, Моцас и Газезос. И Хараностыр бия́ндыя Газе́зо.

⁴⁷ Чхавэ́ Егдаёскирэ (Иегдаёскирэ) сыс: Реге́мо, Иофа́мо, Гешано, Пеле́то, Ефа и Шаафо.

⁴⁸ А Маха, яви́р Халевоскири наложница, бияндя́ Шеверос и Фирханос;

⁴⁹ ёй адя́кэ-паць бияндя́ Шаафос, Мадманаскирэ дадэ́с, Шэвос, Махбеноскирэ дадэ́с и Гевеёскирэ дадэ́с. Чхай Халевоскири сыс Ахса.

⁵⁰ Ѓа́да, сыс чхавэ́ Халевоскирэ: чхаво́ Хуро, англатуно́ Ефрафоскиро; Шовало, Кири́аф-Яримоскиро дад;

⁵¹ Салма, Вифлеемоскиро дад; Харе́фо, Бефгадероскиро дад.

⁵² Шовалостэ, Кири́аф-Яримоскирэ (Иаримоскирэ) дадэ́стэ, сыс чхавэ́: Гарое, [Хацы, Галменюхото-р.с.] [Паш Манахитийцэнгири-ю.о.].

⁵³ Кири́аф-Яримоскирэ кхэри́тка ро́ды (пле́ми): Ифрияни, Футияни, Шумафани и Мидраитяни. Адалэндыр выгинэ́ Цоряни и Ештаоляни.

⁵⁴ Чхавэ́ Салмаскирэ исын: Вифлеемляни и Нетофафяни, Иоавовоскирэ-кхэрэ́скири [вя́нка-р.с.] и паш Менухотянэнгиро-Цоряни,

⁵⁵ и Соферийцэнгирэ кхэри́тка ро́ды (пле́ми) (ёнэ сыс пиричхиныбнаскирэ/писари), савэ́ дживдэ́ кэ Иабе́цо, Тире́йцы, Шиме́йцы, Сухайцы: адалэ́ исын Кинеяни, савэ́ выгинэ́ Хамафостыр, Бетрехавоскирэ дадэ́стыр.