1 Паралипоменоно 1 - Библия - Пэ Балтитко Романи чиб (Романэс) 2019

Адамоскири Сэм΄я (Ири) кэ Авраа́мо

¹ Адамо, Сифо, Еносо,

² Каинано, Малелеило, Иаредо (Яре́до),

³ Енохо, Мафусало, Ламехо,

⁴ Ноё, Симо, Хамо и Иафето (Яфе́то).

⁵ Чхавэ́ Иафетоскирэ сыс: Гоме́ро, Магого, Мадаё, Иавано, Фувало, Мешэхо и Фирасо.

⁶ Чхавэ́ Гомероскирэ сыс: Аскеназо, Рифато и Фогарма.

⁷ Чхавэ́ Иаваноскирэ сыс: Елисо, Фарсисо, Китимо и Доданимо.

⁸ Чхавэ́ Хамоскирэ сыс: Хушо, Мицраимо, Футо и Ханаано.

⁹ Чхавэ́ Хушоскирэ сыс: Се́ва, Хавила, Савта, Раама и Савте́ха. Чхавэ́ Раамаскирэ сыс: Шэва и Дедано.

¹⁰ Хушостыр бия́ндыя адя́кэ-паць Нимродо: адава́ яця́ пэ́рво зорало́ пэ пхув.

¹¹ Мицраимостыр бия́ндынэ: Лудимо, Анамимо, Легавимо, Нафтухимо,

¹² Патрусимо, Каслухимо, савэ́стыр выгинэ́ Филистимля́ни, и Кафторимы.

¹³ Ханааностыр бия́ндынэ: Сидоно, англатуно́ лэ́скиро, Хе́то,

¹⁴ Евусе́ё, Аморе́ё, Гергесе́ё,

¹⁵ Еве́ё, Арке́ё, Сине́ё,

¹⁶ Арваде́ё, Цэмаре́ё и Хамафе́ё.

¹⁷ Чхавэ́ Симаскирэ сыс: Еламо, Асуро, Арфаксадо, Лудо, Ара́мо, У΄цо, Хуло, Геферо и Мешэхо.

¹⁸ Арфаксадостыр бия́ндыя Сала, Саластыр бия́ндыя Еве́ро.

¹⁹ Еверостыр бия́ндынэ дуй чхавэ́: екхэскиро лав сыс Фале́ко, пал-дова́ со дрэ лэ́скирэ дывэса́ розгия́пэ (розделиндяпэ) пхув сыс росчхуды пэ паша (уладяпэ); лав лэ́скирэ пшалэскиро сыс Иоктано.

²⁰ Иоктаностыр бия́ндынэ Алмодадо, Шале́фо, Хацармаве́то, Иерахо,

²¹ Гадорамо, Узало, Дикло,

²² Евало, Авимаило, Шэва,

²³ Офиро, Хавило и Иоваво. Сарэ́ адалэ́ сыс чхавэ́ Иоктаноскирэ.

²⁴ Симо, Арфаксадо, Сала,

²⁵ Еве́ро, Фале́ко, Рагаво,

²⁶ Серухо, Нахоро, Фара,

²⁷ Авра́мо, ёв адя́кэ-паць исын Авраа́мо.

²⁸ Чхавэ́ Авраамо́скирэ сыс: Исаа́ко и Измаило.

²⁹ Ѓа́да, исын лэ́нгиро ро́до: англатуно́ Измаилоскиро Наваиофо, пал лэ́стэ Кедаро, Адбее́ло, Мивсамо,

³⁰ Мишма, Дума, Маса́, Хададо, Фема,

³¹ Иетуро, Нафишо и Кедма. Дава́ исын чхавэ́ Измаилоскирэ.

³² Чхавэ́ Хетуракирэ, наложницатыр Авраамоскирьятыр: ёй бияндя́ Зимранос, Иокшанос, Меданос, Мадианос, Ишбакос и Шуахос. Чхавэ́ Иокшаноскирэ сыс: Шэва и Дедано.

³³ Чхавэ́ Мадианоскирэ сыс: Ефа, Ефе́ро, Ханохо, Авидо и Елдаго. Сарэ́ адалэ́ чхавэ́ сыс Хетуракирэ.

³⁴ И бия́ндыя Авраамостыр Исаа́ко. Чхавэ́ Исаакоскирэ сыс: Иса́во и Израилё.

³⁵ Чхавэ́ Исаво́скирэ сыс: Елифазо, Рагуило, Еусо, Егломо и Кореё.

³⁶ Чхавэ́ Елифазоскирэ сыс: Фемано, Омаро, Цэфо, Гафамо, Кеназо, Амалико.

³⁷ Чхавэ́ Рагуилоскирэ сыс: Нахафо, Зерахо, Шама и Миза.

³⁸ Чхавэ́ Сеироскирэ сыс: Лотано, Шовало, Цывеоно, Ана, Дишоно, Ецэро и Дишано.

³⁹ Чхавэ́ Лотаноскирэ сыс: Хори и Гемамо; а пхэн Лотаностэ сыс Фимна.

⁴⁰ Чхавэ́ Шовалоскирэ сыс: Алеано, Манахафо, Евало, Шэфо и Онамо. Чхавэ́ Цывеоноскирэ сыс: Аиая и Ана.

⁴¹ Чхавэ́ Анаскирэ сыс: Дишоно. Чхавэ́ Дишоноскирэ сыс: Хемдано, Ешбано, Ифрано и Херано.

⁴² Чхавэ́ Ецэроскирэ сыс: Билгано, Заавано и Акано. Чхавэ́ Дишаноскирэ сыс: Уцо и Арано.

⁴³ Адалэ́ сыс кра́лья, савэ́ кралиндлэ пэ Эдомоскири пхув, англэды́р, сыр яця́ крали́са пэ Израилёскирэ чхавэ́ндэ: Бэла, чхаво́ Веороскиро, и лав фороскэ лэскирэскэ (Эдомоскирэскэ) – Дингава;

Эдомоскирэ Кра́лья

⁴⁴ и мыя́ Бэла, и яця́ крали́са пал лэ́стэ Иоваво, чхаво́ Зерахоскиро, Восоратыр.

⁴⁵ И мыя́ Иоваво, и яця́ крали́са пал лэ́стэ Хушамо, Феманитянэнтирэ пхувья́тыр.

⁴⁶ И мыя́ Хушамо и яця́ крали́са пал лэ́стэ Гададо, чхаво́ Бедадоскиро, саво́ домардя́ Мадианитянэн пэ Моавоскири пхув; лав лэ́скирэ фороскэ сыс Авиво.

⁴⁷ И мыя́ Гададо, и яця́ крали́са пал лэ́стэ Самло, Масрекатыр.

⁴⁸ И мыя́ Са́уло, и яця́ крали́са пал лэ́стэ Са́уло Реховофостыр, со сыс пашы́л рэка (лэнь).

⁴⁹ И мыя́ Са́уло, и яця́ пал лэ́стэ крали́са Баал-Ханано, чхаво́ Ахбороскиро.

⁵⁰ И мыя́ Баал-Ханано, и яця́ пал лэ́стэ крали́са Гадаро; лав лэ́скирэ фороскэ сыс Пау; лав лэ́скирэ ромнякэ сыс Мегетавеель, чхай Матредоскири, чхай Мезагавоскири.

⁵¹ И мыя́ Гадаро. И сыс пхурыдыра́ пир Эдо́мо: пхурыдыро Фимна, пхурыдыро Алва, пхурыдыро Иете́фо (Ете́фо),

⁵² пхурыдыро Оливе́мо, пхурыдыро Эла, пхурыдыро Пиноно,

⁵³ пхурыдыро Кеназо, пхурыдыро Фемано, пхурыдыро Мивцаро,

⁵⁴ пхурыдыро Магдиило, пхурыдыро Ирамо. Ѓа́да, сыс Идумеякирэ пхурыдыра́.