3 Juan 1 - Nuevo Testamento Romané 2007

Salami

¹ O ppuro katar e kkanlliri bichalel salami e Gaioke kai me voliu le chachimaia.

Salami e Gaioke

² Pplala, mangau e Devletar, te llal chuke sukar ande suako ezgoda, te ave sasto, ta te llal chuke sukar ande cho pachape.

³ But veselisailem kana avile mande nesave pplal, ta ppende mange kai san ando chachipe ta kai ppire ando chachipe.

⁴ Mi mai bari veselia si kana asunau kai me chaurre ando pachape llan po drom o chacho.

⁵ Pplala, tu chere but sukar kana pomozi amare pplalen ta i kana pomozi avere pplalen kai aven duratar.

⁶ Von die chi orba ande kkanlliri ta ppende katar cho volipe. Sukar avela te pomozin len ande so trubul len, soke von si te llan e dromea, gia sar si drago e Devleke.

⁷ Soke von likiste te ppenen e lachi viasta e Jesukristoki, ta ni lie niso katar e llene kai inai judiura.

⁸ Goleke amen morabi te ava lenchar pachivale, te sai ppenen saurrenge e lachi viasta.

O Diotrefes ta o Demetrio

⁹ Me pisisardem iek lil e kkanllirake, a o Diotrefes kai drago leke te gazdaril, ni kamel te ttovel mange sama.

¹⁰ Goleke kana ka llau tumende me ka dau pe lete, soke ppenel alava kojamne amendar. Ta na samo gua; inai pachivalo e pplalenchar kai aven duratar, ta ogola kai mangen te aven pachivale lenchar, vou ni mukel len ta trade len katar e kkanlliri.

¹¹ Pplala Gaio, na cher sargo gola kai cheren o bilachipe, cher o lachipe. Soke gola kai cheren o lachipe si e Devleke, a o gola kai cheren o bilachipe ni pinllaren e Devle.

¹² A katar o Demetrio sa den orba lachi. Ta i o chachipe del orba sukar letar, ta i amen da orbe lache letar, ta tu llane kai so ppena amen si o chachipe.

Salami

¹³ Man sea but ezgode te ppenau chuke ta ni kamam te cheraulen ando pisime,

¹⁴ soke mangau te llau tute oma te dau tuia orba.

¹⁵ E pas te avel tuia. E amale bichalen chuke salami. Bichal i tu salami suakone amaleke.