Žalmi 8 - Le Devleskero Lav Andre Romaňi Čhib Slovensko 2021

O Žalmos 8

1 Oleske, ko ľidžal o bašaviben. Pal o gittit . Le Davidoskro žalmos.

¹ Oleske, ko ľidžal o bašaviben. Pal o gittit. Le Davidoskro žalmos.

² RAJEJA, Raja amaro, savo baro hin tiro nav pal caľi phuv! Tiri slava hazdňal upral o ňebos.

³ Andral o muja le čhavorengre the le cikne čhavengre tuke džal e chvala, bo kerďal, hoj tire ňeprijaťeľa te čhiten a zaačhaďal savoren, ko pre tute džan.

⁴ Sar dikhav pre tiro ňebos, pre buči tire anguštengri, pro čhonoro the pro čercheňa, save thoďal pre peskre thana,

⁵ phučav: „So hin o manuš, hoj pre leste gondoľines? So hin o čhavo le manušeskro, hoj tut pal leste starines?“

⁶ Kerďal lestar pro sikra cikneder sar o aňjela; diňal les e slava the e pačiv sar e koruna.

⁷ Ačhaďal les te vladňinel upral tire vastengre buča, savoro leske thoďal tel o pindre:

⁸ le bakren, le dobitkos, the le dzive džviren,

⁹ le čiriklen andro luftos, le riben andro paňi, the savoro, so plavinel andro moros.

¹⁰ RAJEJA, Raja amaro, savo slavno baro hin tiro nav pal caľi phuv!