Žalmi 61 - Le Devleskero Lav Andre Romaňi Čhib Slovensko 2021

O Žalmos 61

¹ Oleske, ko ľidžal o bašaviben pro strunengro nastrojis. Le Davidoskro žalmos.

² Devla, šun miro roviben, odphen pre miro mangipen!

³ Pal o koňec la phuvakro pre tute vičinav igen strapimen jileha. Ľidža man upre pre skala, so hiňi učeder sar me.

⁴ Se tu sal miro than, kaj man garuvav, miri zoraľi veža anglo ňeprijaťeľa.

⁵ Joj, te bešľomas andre tiro stanos pro furt a te šaj man garuďomas andro ciňos tire kridlengro!

⁶ Devla, tu šunďal o lava, save tut diňom; diňal man o ďeďictvos, so patrinel olenge, ko pes daran tire navestar.

⁷ Dothov buter dživesa ko dživesa le kraľiskre a mi ľikeren leskre berša pal jekh pokoleňje pre aver!

⁸ Mi bešel pro tronos anglo Del pro furt! De, hoj les te chraňinel o verno kamiben the e vernosť.

⁹ Avke giľavava o chvali tire naveske pro furt a obetinava tuke sako džives, avke sar tut diňom lav!