Žalmi 6 - Le Devleskero Lav Andre Romaňi Čhib Slovensko 2021

O Žalmos 6

¹ Oleske, ko ľidžal o bašaviben pro ochtostrunengro nastrojis. Le Davidoskro žalmos.

² Ma mar man, RAJEJA, andre tiri choľi! Ma trestin man, sar sal choľamen!

³ Av ke ma jileskro, RAJEJA, bo som slabo! Sasťar man avri, RAJEJA, bo o kokala man dukhan.

⁴ Mira duša hin baro pharipen! Mek keci, RAJEJA?

⁵ Av pale, RAJEJA, zachraňin miro dživipen! Le man avri tire bare kamibnaha.

⁶ Bo maškar o mule ňiko na lašarel tiro nav! Ko tut bararela andral o hrobos?

⁷ Imar na birinav ajci te jojčinel dukhatar: Sako rat pro hadžos mandar čuľal o roviben; miri lepeda cinďarav le apsenca.

⁸ Žaľatar na dikhav mištes pro jakha; slabisaľile mange vaš mire ňeprijaťeľa.

⁹ Džan mandar het savore, ko keren o nalačhipen, bo o RAJ šunďa miro roviben.

¹⁰ O RAJ šunďa avri miro baro mangipen; o RAJ priiľa miri modľitba.

¹¹ Savore mire ňeprijaťeľa pes ladžana, igen predarana a jekhvareste džana het ladžatar.