Žalmi 53 - Le Devleskero Lav Andre Romaňi Čhib Slovensko 2021

O Žalmos 53

1 Oleske, ko ľidžal o bašaviben pal o machalat . O maskil le Davidoskro.

¹ Oleske, ko ľidžal o bašaviben pal o machalat. O maskil le Davidoskro.

² O diline peske phenen andro jilo: „Nane Del!“ Previsarde hine a keren o džungale veci; nane ňiko, ko kerďahas o lačhipen.

³ O Del dikhel andral o ňebos pro manuša; dikhel, či hin vareko goďaver, ko rodel le Devles.

⁴ Sako pes visarďa het, sako ačhiľa nalačho, nane ňiko, ko kerďahas o lačho, nane aňi jekh.

⁵ Či na achaľon ňič ola, ko keren o nalačhipen? Chan tele mire manušen, sar te chalehas o maro, a ko Del pes šoha na mangen.

⁶ Ale igen predaranďile akor, sar pes nane sostar te daral. Se o Del rozšulavela o kokala olengre, ko pre tu džanas. Kereha lenge ladž, bo o Del len pestar odčhiďa.

⁷ Joj, te avľahas andral o Sion o spaseňje le Izraeloskro! Sar anela o Del pale le zaile Izraeliten, mi radisaľol o Jakob a o Izrael mi thovel baripen.