Žalmi 47 - Le Devleskero Lav Andre Romaňi Čhib Slovensko 2021O Žalmos 47 1 Oleske, ko ľidžal o bašaviben. Le Korachengro žalmos. 2 Tapčinen radišagoha le vastenca, savore narodale! Giľaven zorales le Devleske! 3 Bo o RAJ, o Nekbareder, kastar kampel te daral, hino baro kraľis pre caľi phuv. 4 Le naroden del tel amari zor a avre manušen amenge thovel tel o pindre. 5 Kidňa amenge avri e phuv, andre savi thovel baripen o Jakob, saves o Del kamel. 6 O Del geľa upre, sar o manuša radišagoha viskinenas; sar šunďolas o hangos la trubakro, geľa upre o RAJ. 7 Giľaven o chvali le Devleske, giľaven! Giľaven o chvali amare kraľiske, giľaven! 8 Se o Del hino kraľis pre caľi phuv; lašaren les le žalmenca. 9 O Del kraľinel upral o narodi, o Del bešel pre peskro sveto tronos. 10 O raja le manušengre pes zgele le Abrahamoskre Devleskre manušenca, bo le Devleskre hine savore šťiti la phuvakre. Ov hino igen barardo! |
©The Word for the World International and ©The Word for the World Slovakia, 2023.