Žalmi 26 - Le Devleskero Lav Andre Romaňi Čhib Slovensko 2021

O Žalmos 26

1 Le Davidoskro žalmos.

¹ Le Davidoskro žalmos. Zaačh vaš ma, RAJEJA, bo dživavas žužes, pačavas andre tu, RAJEJA, a na pochibinavas.

² Skumin man, RAJEJA, skušin man! Dikh andre miro jilo, dikh, so gondoľinav!

³ Bo tiro verno kamiben hino furt angle mire jakha a pal tiro čačipen dživav.

⁴ Na bešavas le falošne manušenca, aňi man na zdžavas olenca, ko hine dujemujengre.

⁵ Narado som maškar o nalačhe manuša a le binošnenca na bešav.

⁶ Thovav avri mire vasta, bo nane man vina, a phirav pašal tiro oltaris, RAJEJA,

⁷ hoj tuke te paľikerav andre chvala a te vakerav pal tire zazraki, so keres.

⁸ RAJEJA! Kamav tiro kher, kaj tu bešes, o than, kaj hin tiri slava.

⁹ Ma le het miri duša jekhetane le binošnenca, miro dživipen le vrahenca;

¹⁰ olenca, andre kaskre vasta hin o nalačhipen, a furt pes den te prepočinel.

¹¹ Bo me dživav žužes. Cin man avri a av ke ma jileskro!

¹² Miro pindro ačhel pre rovno phuv. Sar pes zdžana tire manuša, lašarava le RAJES.