Žalmi 23 - Le Devleskero Lav Andre Romaňi Čhib Slovensko 2021

O Žalmos 23

1 Le Davidoskro žalmos.

¹ Le Davidoskro žalmos. O RAJ hino miro pasťjeris, ňič mange na chibaľinela.

² Ľidžal man pro maľi, kaj hin e zeleno čar, anel man paš o paňa, kaj hin o smirom.

³ Občerstvinel miri duša a vaš peskro nav man ľidžal le čačipnaskre dromenca.

⁴ Kajte geľomas la dolinaha prekal o baro kaľipen, na darava man le nalačhipnastar, bo tu sal manca; tiro prutos the tiri paca man ochraňinen.

⁵ Pripravines mange o skamind anglo jakha mire ňeprijaťeľenge. O šero mange makhes le olejoha; miri kuči prečuľal.

⁶ He, ča o lačhipen the o verno kamiben man ľidžana andre savore dživesa, medik dživava a bešava andro kher le RAJESKRO pro furt.