Žalmi 143 - Le Devleskero Lav Andre Romaňi Čhib Slovensko 2021

O Žalmos 143

1 Le Davidoskro žalmos.

¹ Le Davidoskro žalmos. RAJEJA, šun miri modľitba, šun miro pokorno mangipen! Odphen mange, bo sal verno the spravodľivo!

² Ma sudzin tire služobňikos, bo ňisavo džido manuš nane spravodľivo anglal tu.

³ O ňeprijaťeľis pre mande džal, demel manca andre phuv; thovel man te bešel andro kaľipen sar olen, ko imar čirla mule.

⁴ Miro duchos slabisaľol, miro jilo imar na birinel te ľidžal o pharipen.

⁵ Leperav mange pre ola dživesa, so sas varekana, gondoľinav pal savoreste, so kerďal, avel mange pre goďi e buči, so kerďal tire vastenca.

⁶ Ke tute hazdav mire vasta, som igen smedno pal tu sar e avrišuki phuv pal o paňi.

⁷ So neksigeder mange odphen, RAJEJA, miro duchos imar na birinel! Ma garuv mange tiro muj, hoj te na dičhuvav avri sar ola, ko džan tele andro hrobos.

⁸ De, hoj tosara te šunav tiro verno kamiben, bo pre tute man mukav. Sikav mange o drom, khatar te džal, bo pačav andre tu.

⁹ Zachraňin man mire ňeprijaťeľendar, RAJEJA! Ke tute man garuvav.

¹⁰ Sikav man te kerel tiri voľa, se tu sal miro Del. Tiro lačho Duchos man mi ľidžal pal e rovno phuv.

¹¹ RAJEJA, obdžiďar man angle tiro nav; le man avri andral o pharipen, bo sal spravodľivo.

¹² Zňičin mire ňeprijaťeľen, bo tiro kamiben hino pačivalo ke ma; murdar savoren, ko man trapinen, bo me som tiro služobňikos.