Žalmi 14 - Le Devleskero Lav Andre Romaňi Čhib Slovensko 2021

O Žalmos 14

1 Oleske, ko ľidžal o bašaviben. Le Davidoskro žalmos.

¹ Oleske, ko ľidžal o bašaviben. Le Davidoskro žalmos. O diline peske phenen andro jilo: „Nane Del!“ Previsarde hine a keren o džungale veci; nane ňiko, ko kerďahas o lačhipen.

² O RAJ dikhel andral o ňebos pre savore manuša, dikhel, či hin vareko goďaver, ko rodel le Devles.

³ Sako pes visarďa het, sako ačhiľa nalačho; nane ňiko, ko kerďahas o lačho, nane aňi jekh.

⁴ Či na achaľon ňič savore, ko keren o nalačhipen? Chan tele mire manušen, sar te chalehas o maro, a ko RAJ pes šoha na mangen.

⁵ No, jekhvar izdrana daratar, bo o Del pomožinel olenge, ko les šunen.

⁶ Tumen musaren o plani le čore manušeskre, ale o RAJ hino leskri ochrana.

⁷ Ó, te avľahas andral o Sion o spaseňje le Izraeloskro! Sar o RAJ žehňinela pale peskre manušenge, o Jakob radisaľola a o Izrael thovela baripen.