Žalmi 130 - Le Devleskero Lav Andre Romaňi Čhib Slovensko 2021

O Žalmos 130

1 E giľi pro drom upre andro Jeruzalem.

¹ E giľi pro drom upre andro Jeruzalem. Andral o bare paňa vičinav pre tute, RAJEJA!

² Ó Adonaj, šun miro hangos; prithov tiro kan paš miro roviben.

³ RAJEJA, te tu amenge rachineha o bini, ó Adonaj, ko šaj obačhela?

⁴ Ale tu amenge odmukes, hoj amen te el sveto dar angle tu.

⁵ Užarav pro RAJ – savoreha užarav; mukav man pre leskro lav.

⁶ Miri duša užarel pro Raj buter sar o stražňika pro tosara, buter sar o stražňika pro tosara.

⁷ Izraelona, muk tut pro RAJ, bo ov tut pačivales kamel a les hin bari zor vaš tuke te počinel.

⁸ Ov počinela vaš o Izrael vaš savore leskre bini.