Žalmi 129 - Le Devleskero Lav Andre Romaňi Čhib Slovensko 2021

O Žalmos 129

1 E giľi pro drom upre andro Jeruzalem.

¹ E giľi pro drom upre andro Jeruzalem. Mire terňipnastar man but trapinenas – mi phenel o Izrael –

² mire terňipnastar man but trapinenas, ale na zňičinde man.

³ Orinenas mange pal o dumo, orinde avri bare rihi sar pro maľi.

⁴ Ale o RAJ hino spravodľivo; prečhinďa o lani le nalačhe manušengre.

⁵ Mi visaľon pale ladžaha savore, ko našťi avri ačhen o Sion!

⁶ Mi aven sar e čar pro padi, savi šučola avri sigeder, sar la cirdena avri;

⁷ savaha peske na pherdžarela e burňik oda, ko košinel, aňi o vasta oda, ko sphandel o snopi.

⁸ Ola, ko predžana pašal lende, na phenena: „O požehnaňje le RAJESKRO pre tumende! Žehňinas tumenge andro nav le RAJESKRO.“