Žalmi 128 - Le Devleskero Lav Andre Romaňi Čhib Slovensko 2021

O Žalmos 128

1 E giľi pro drom upre andro Jeruzalem.

¹ E giľi pro drom upre andro Jeruzalem. Bachtalo ela sako, ko pes daral le RAJESTAR, ko phirel pal leskre droma.

² Dživeha la bučatar, so keres tire vastenca; aveha požehňimen a savoro tuke džala mištes.

³ Tiri romňi ela andre tiro kher sar e viňica, so anel but ovocje, tire čhave ena pašal tiro skamind sar o terne olivova stromi.

⁴ He, kavke ela požehňimen oda murš, savo pes daral le RAJESTAR.

⁵ Mi požehňinel tut o RAJ andral o Sion, hoj te dikhes o požehnaňje le Jeruzalemoskro calo tiro dživipen,

⁶ hoj te dikhes tire čhavengre čhaven. Smirom le Izraeloske!