Žalmi 127 - Le Devleskero Lav Andre Romaňi Čhib Slovensko 2021

O Žalmos 127

1 Le Šalamunoskri giľi pro drom upre andro Jeruzalem.

¹ Le Šalamunoskri giľi pro drom upre andro Jeruzalem. Te o RAJ na ačhavel o kher, zbitočňe pes trapinen ola, ko les ačhaven; te o RAJ na stražinel o foros, zbitočňe del pozoris oda, ko les stražinel.

² Zbitočňe ušťen upre sig, džan te sovel nasig a keren phares buči vaš o maro; bo ov pes starinel pal ola, kas kamel, mek sar soven.

³ O čhave hine daros le RAJESTAR, o čhavoro la dake andro per hin le RAJESKRI odmena.

⁴ O čhave, so uľile le muršeske, sar sas terno, hine sar o šipi andro vasta le maribnaskre muršeske.

⁵ Bachtalo hin oda murš, savo peske lenca pherdžarďa o tulcos. On pes na ladžana, sar pes sudzinena peskre ňeprijaťeľenca paš e brana pro sudos.