Žalmi 126 - Le Devleskero Lav Andre Romaňi Čhib Slovensko 2021O Žalmos 126 1 E giľi pro drom upre andro Jeruzalem. 1 E giľi pro drom upre andro Jeruzalem. Sar o RAJ anelas pale le Sionoskre zailen, sas amenge oda sar suno. 2 Akor amenge o muj asalas a amare čhiba giľavenas radišagostar. Akor pes maškar aver narodi vakerelas: „O RAJ prekal lende kerďa bare veci!“ 3 O RAJ kerďa prekal amende bare veci a amen radisaľuvahas. 4 An pale, RAJEJA, amare zailen avke sig sar o paňi andro Negev pal o baro brišind. 5 Ola, ko sadzinen le apsenca, kidena upre bare radišagoha. 6 Rovibnaha džal avri oda, ko hordinel o semenos; radišagoha avela pale, sar anela peskri pšeňica. |
©The Word for the World International and ©The Word for the World Slovakia, 2023.