Žalmi 124 - Le Devleskero Lav Andre Romaňi Čhib Slovensko 2021

O Žalmos 124

1 Le Davidoskri giľi pro drom upre andro Jeruzalem.

¹ Le Davidoskri giľi pro drom upre andro Jeruzalem. Te amenca na uľahas o RAJ – mi phenel o Izrael –

² te amenca na uľahas o RAJ, sar pre amende avle o manuša,

³ chalehas amen tele džidonen, sar lengri choľi pre amende rozlabiľa;

⁴ o paňa amen začhidehas, o prudos amen scirdňahas tele,

⁵ o dziva paňa amen zailehas andre.

⁶ Paľikeras le RAJESKE, hoj na domukľa amare ňeprijaťeľenge, hoj amen te rozčhingeren le dandenca!

⁷ Amen denašľam sar o čiriklo andral e pasca le lovcoske; e pasca čhinďiľa a amen andral denašľam.

⁸ Amari pomoca hin andro nav le RAJESKRO, savo stvorinďa o ňebos the e phuv.