Žalmi 123 - Le Devleskero Lav Andre Romaňi Čhib Slovensko 2021O Žalmos 123 1 E giľi pro drom upre andro Jeruzalem. 1 E giľi pro drom upre andro Jeruzalem. RAJEJA, mire jakhenca dikhav upre pre tute, so troňines pro ňebos. 2 Sar o jakha le sluhengre dikhen pro vast peskre rajeske, sar o jakha la služkakre dikhen pro vast peskra raňake, avke dikhen amare jakha pro RAJ, amaro Del, medik amenge na presikavela peskro jileskeriben. 3 Av jileskro ke amende, RAJEJA, av jileskro ke amende, bo imar na birinas olestar, so amen ajci tele dikhen. 4 Imar amen hin dos olestar, so amendar ajci asan o barvale a tele dikhen o barikane. |
©The Word for the World International and ©The Word for the World Slovakia, 2023.