Žalmi 120 - Le Devleskero Lav Andre Romaňi Čhib Slovensko 2021O Žalmos 120 1 E giľi pro drom upre andro Jeruzalem. 1 E giľi pro drom upre andro Jeruzalem. Pro RAJ vičinavas andral o pharipen a ov mange odphenďa. 2 RAJEJA, zachraňin man le klamišagoskre vuštendar the le falošne čhibendar. 3 So tuha ov kerela a sar tut marela, tu falošno čhib? 4 Marela tut le ostre maribnaskre šipenca the le jagale angarenca. 5 Vigos mange! Te bešel kade hin avke namištes sar le cudzincoske andro Mešech, abo sar maškar o manuša andro Kedar! 6 Imar igen but dživav olenca, ko našťi avri ačhen o smirom. 7 Sar me vakerav, hoj kamav o smirom, on kamen o mariben. |
©The Word for the World International and ©The Word for the World Slovakia, 2023.