Žalmi 12 - Le Devleskero Lav Andre Romaňi Čhib Slovensko 2021

O Žalmos 12

1 Oleske, ko ľidžal o bašaviben. Pal o šeminit . Le Davidoskro žalmos.

¹ Oleske, ko ľidžal o bašaviben. Pal o šeminit. Le Davidoskro žalmos.

² Pomožin, RAJEJA! Bo ňiko nane imar pobožno; o pačivale manuša našľile.

³ Klaminen jekh avreske; vakeren o gule lava, ale andro jile hine falošna.

⁴ RAJEJA, phand andre savore gule vušta a odčhin dojekh barikaňi čhib –

⁵ savoren, ko vakeren: „Andre čhib amen hin e zor! Vakeraha, so kamas a savo raj amenge šaj rozkazinel?“

⁶ Ale o RAJ phenel: „Akana vaš oda, hoj o slaba cerpinen a o čore roven dukhatar, uščava a zachraňinava olen, ko peske oda igen mangen.“

⁷ Bo le RAJESKRE lava hine žuže; hine sar o rup eftavar prežužardo a prelabardo andro čikakro bov.

⁸ RAJEJA, tu ochraňineha le čoren a stražineha pro furt kale nalačhe manušendar,

⁹ save phiren barikanes všadzik, bo o džungipen pes hazdel upre maškar o manuša.