Žalmi 113 - Le Devleskero Lav Andre Romaňi Čhib Slovensko 2021

O Žalmos 113

¹ Haleluja! Lašaren le RAJES, tumen leskre služobňikale, lašaren o nav le RAJESKRO!

² Mi el barardo o nav le RAJESKRO akanastar pro furt!

³ Odarik, khatar avel avri o kham, dži ode, kaj zadžal andre, mi el lašardo o nav le RAJESKRO.

⁴ O RAJ hino barardo upral savore narodi, leskri slava hin upral o ňebos.

⁵ Ko hin ajso sar o RAJ, amaro Del, savo bešel učes

⁶ a dikhel dži tele pro ňebos the pre phuv?

⁷ Le čore manušes hazdel upre andral o prachos, le slabes podhazdel pal o šmeciskos,

⁸ hoj les te thovel te bešel le rajenca; peskre manušengre rajenca.

⁹ Ola džuvľake, sava našťi el čhave, del te bešel andro kher sar ola dake, savi radisaľol le čhavendar. Haleluja!