Žalmi 11 - Le Devleskero Lav Andre Romaňi Čhib Slovensko 2021

O Žalmos 11

1 Oleske, ko ľidžal o bašaviben. Le Davidoskro žalmos.

¹ Oleske, ko ľidžal o bašaviben. Le Davidoskro žalmos. Andro RAJ man garuvav. Sar mange šaj phenen: „Odľecin sar čiriklo pre tiro verchos!“?

² Bo dikh, o nalačhe imar nacirden o lukos; thoven peske o šipos pre šparga, hoj andro kaľipen te ľivinen pro čačejileskre.

³ Te o zakladi hine čhide tele, so šaj keren o čačipnaskre?

⁴ O RAJ hino andre peskro sveto Chramos; le RAJESKRO tronos hino pro ňebos. Leskre jakha dikhen a roden avri, so keren savore manuša.

⁵ O RAJ skuminel, so hin andro lačho the andro nalačho manuš, andral peskro jilo našťi avri ačhel oles, ko kamel o mariben.

⁶ O brišind le jagale angarenca the e sira mukela pro nalačhe; marela len la rozlabarďa balvajaha.

⁷ Bo o RAJ hino čačipnaskro, kamel o čačipnaskre skutki a leskro muj dikhena o čačejileskre.