Žalmi 1 - Le Devleskero Lav Andre Romaňi Čhib Slovensko 2021

O ešebno zvitkos le Žalmengro O Žalmos 1

¹ Bachtalo hin oda, ko na prilel o radi le nalačhe manušengre, na phirel pal o drom le binošnenca a na bešel maškar ola, ko asan le Devlestar,

² ale leskro radišagos hin andro zakonos le RAJESKRO a pal leskro zakonos gondoľinel rat-džives.

³ Hino sar o stromos sadzimen paš o paňi, so anel o uľipen andre peskro časos; leskre prajti na šučon avri a savoro, so kerel, avel leske avri.

⁴ Avres hin le nalačhe manušenca! On hine sar o phus rozphurdlo la balvajaha.

⁵ Vašoda na obačhena o nalačhe pro sudos, aňi o binošna maškar o čačipnaskre.

⁶ Se o RAJ džanel a chraňinel o drom le čačipnaskre manušengro, ale o drom le nalačhengro ľidžal andro meriben.