Joel 3 - Le Devleskero Lav Andre Romaňi Čhib Slovensko 2021

O Del čhivela avri le Svete Duchos pro manuša

¹ „Ale paloda čhivava avri mire Duchos pre dojekh manuš a tumare čhave the tumare čhaja prorokinena, tumare phure manušen ela sune a tumare terne dikhena viďeňja.

² He, mek the pre mire služobňika the pro služobňički čhivava avri mire Duchos.

³ Sikavava o znameňja pro ňebos the pre phuv: o rat, e jag the o baro thuv.

⁴ O kham pes čerinela pro kaľipen a o čhonoro pro rat angloda, sar avela oda baro the strašno Džives le RAJESKRO.

⁵ A ela avke, hoj sako, ko lašarela le RAJESKRO nav, ela zachraňimen, bo pro verchos Sion the andro Jeruzalem ela e zachrana, avke sar o RAJ diňa lav. Ola, ko predživena, ena ola, kas peske vičinela o RAJ.“