Izajaš 12 - Le Devleskero Lav Andre Romaňi Čhib Slovensko 2021O paľikeriben andre giľi 1 Andre oda džives pheneha: „Paľikerav tuke, RAJEJA, bo kajte pre ma rušehas, tiri choľi visarďal het a poťešinďal man. 2 Dikh, o Del hin miro spaseňje, pačava a na darava man, bo miri zor the giľi hin o RAJ; o RAJ ačhiľa miro spaseňje. 3 Radišagoha cirdena o paňi andral o chaňiga, khatar avel tumaro spaseňje.“ 4 Andre oda džives phenena: „Paľikeren le RAJESKE, lašaren leskro nav; vakeren pal leskre skutki maškar o narodi, phenen lenge, savo baro hin leskro nav! 5 Giľaven le RAJESKE, bo kerďa igen slavna skutki, mi dodžanel pes pal oda calo svetos. 6 Vičin radišagostar a giľav zorales, tu, so bešes andro Sion! Bo o Sveto Del le Izraeloskro hino baro maškar tute!“ |
©The Word for the World International and ©The Word for the World Slovakia, 2023.