1. Kronicko 1 - Le Devleskero Lav Andre Romaňi Čhib Slovensko 2021

Le Adamoskre potomki dži ko Abraham

¹ O Adam sas dad le Šetoske, o Šet le Enošiske,

² o Enoš sas dad le Kenanoske, o Kenan le Mahalaleloske, o Mahalalel le Jaredoske,

³ o Jared le Enochoske, o Enoch le Matuzalemoske, o Matuzalem le Lamechoske

⁴ a o Lamech sas dad le Noachoske. Le Noach sas trin čhave: o Šem, o Cham the o Jafet.

⁵ O čhave le Jafetoskre sas o Gomer, o Magog, o Madaj, o Javan, o Tubal, o Mešech the o Tiras.

⁶ O čhave le Gomeroskre sas o Aškenaz, o Rifat the o Togarmah.

⁷ O čhave le Javanoskre sas o Elišah the o Taršiš, the o Kitana the o Dodana.

⁸ O čhave le Chamoskre sas o Kuš, o Micrajim, o Put the o Kanaan.

⁹ Le Kušoskre čhave sas o Sebas, o Chavilah, o Sabtas, o Raemah the o Sabtechas. Le Raemoskre čhave sas o Šeba the o Dedan.

¹⁰ Le Kušoske uľiľa čhavo o Nimrod, savestar ačhiľa zoralo maribnaskro murš pro svetos.

¹¹ O Micrajim sas dad le Ludenge, le Anamenge, le Lehabenge, le Naftuchenge,

¹² le Patrusenge, le Kasluchenge, savendar hine o Filišťinci the o Kaftora.

¹³ O ešebno čhavo le Kanaanoskro sas o Sidon a paľis o Chet.

¹⁴ O Kanaan sas o dad le Jebusejenge, le Amorejčanenge, le Girgašejenge,

¹⁵ le Chivijenge, le Arkijenge, le Sinejenge,

¹⁶ le Arvadejenge, le Cemarejenge the le Chamatajenge.

¹⁷ O čhave le Šemoskre sas o Elam, o Ašur, o Arpachšad, o Lud the o Aram. Le Aramoskre čhave sas o Uc, o Chul, o Geter the o Mešech.

¹⁸ Le Arpachšadoske uľiľa o Šelach a le Šelachoske uľiľa o Eber.

¹⁹ Le Eberiske uľile duj čhave: Jekheske diňa nav Paleg, bo sar ov dživelas, o manuša pre phuv pes rozďelinde, a leskre phraleske diňa nav Joktan.

²⁰ Le Joktanoske uľile o Almodad, o Šelef, o Chacarmavet, o Jerach

²¹ o Hadoram, o Uzal, o Diklah,

²² o Ebal, o Abimael, o Šebah,

²³ o Ofir, o Chavilah the o Jobab. Kala savore sas le Joktanoskre čhave.

²⁴ Avke le Šemoskre potomki sas o Arpachšad, o Šelach,

²⁵ o Eber, o Paleg, o Reu,

²⁶ o Serug, o Nachor, o Terach

²⁷ the o Abram, savo hin o Abraham.

Le Abrahamoskre potomki dži ko Jakob

²⁸ O čhave le Abrahamoskre sas o Izak the o Izmael.

²⁹ Kala hine lengre potomki: Le Izmael sas dešuduj (12) čhave: O Nebajot sas nekphureder, paľis o Kedar, o Adbeel, o Mibsam,

³⁰ o Mišma, o Dumah, o Masa, o Chadad, o Tema,

³¹ o Jetur, o Nafiš the o Kedemah.

³² Le Abraham sas šov čhave la Keturaha, savi leske sas romňi-služobňička: o Zimran, o Jokšan, o Medan, o Midijan, o Jišbak the o Šuach. Le Jokšan sas duj čhave: o Šebah the o Dedan.

³³ Le Midijanoskre čhave sas o Efah, o Efer, o Chanoch, o Abidas the o Eldaah. Savore kala sas la Keturakre čhave.

³⁴ Le Abrahamoskre čhas, le Izak, sas duj čhave: O Ezav the o Jakob.

Le Ezavoskre potomki

³⁵ Le Ezav sas pandž čhave: o Elifaz, o Reuel, o Jeuš, o Jalam the o Korach.

³⁶ Le Elifazoskre čhave sas o Teman, o Omar, o Cefi, o Gatam, o Kenaz, o Timnas the o Amalek.

³⁷ Le Reueloskre čhave sas o Nachat, o Zerach, o Šamah the o Mizah.

Ešebna edomika manuša the lengre kraľa

³⁸ Le Seiroskre čhave sas o Lotan, o Šobal, o Cibeon, o Anah, o Dišon, o Ecer the o Dišan.

³⁹ Le Lotanoskre čhave sas o Chori the o Homam a leskri pheň sas e Timna.

⁴⁰ Le Šobaloskre čhave sas o Alvan, o Manachat, o Ebal, o Šefi the o Onam. Le Cibeonoskre čhave sas o Ajah the o Anah.

⁴¹ Le Anoskro čhavo sas o Dišon. Le Dišonoskre čhave sas o Chemdan, o Ešban, o Jitran the o Keran.

⁴² Le Eceroskre čhave sas o Bilhan, o Zaavan the o Jaakan. Le Dišanoskre čhave sas o Uc the o Aran.

⁴³ Kala hine o kraľa, save sas upral o Edom mek sigeder, sar sas andro Izrael kraľis: o Belas, čhavo le Beoriskro andral o foros Dinhaba.

⁴⁴ Sar muľa o Belas, kraľinelas o Jobab, le Zerachoskro čhavo, andral e Bocra.

⁴⁵ Sar muľa o Jobab, kraľinelas o Chušam andral e phuv Teman.

⁴⁶ Sar muľa o Chušam, kraľinelas o Hadad, le Bedadoskro čhavo, savo zviťazinďa upral o Midijana pre moabiko phuv. Le Hadadoskro foros sas o Avit.

⁴⁷ Sar muľa o Hadad, kraľinelas o Samlah andral e Masreka.

⁴⁸ Sar muľa o Samlah, kraľinelas o Šaul andral o Rechobot paš o Baro paňi.

⁴⁹ Sar muľa o Šaul, kraľinelas o Baal-Chanan, le Achboriskro čhavo.

⁵⁰ Sar muľa o Baal-Chanan, kraľinelas o Hadad andral o foros Pau, leskri romňi sas e Mehetabel, e čhaj la Matredakri, e čhaj la Me-Zahabakri.

⁵¹ Sar muľa o Hadad, kala vodci ľidžanas o edomika kmeňi: o Timnas, o Alvah, o Jetet,

⁵² o Oholibamah, o Elah, o Pinon,

⁵³ o Kenaz, o Teman, o Mibcar,

⁵⁴ o Magdiel the o Iram.