Numero 2 - Ti Baro a Naimbag a Damag Biblia

Ti Urnos dagiti Tribu No Agkampoda

¹ Inted ni Yahweh kada Moises ken Aaron dagiti sumaganad nga alagaden.

² No agkampo dagiti Israelita, agkampo ti tunggal maysa iti babaen iti wagayway ti bunggoyna ken iti bandera ti kapuonanna. Maipatakder dagiti toldada iti lawlaw ti Tolda a Paguummongan.

^3-9 Iti akindaya, agkampo dagiti adda iti babaen ti wagayway ti Juda iti grupoda nga ipanguloan dagiti panguloda. Kastoy ti urnosda: Tribu Pangulo Bilang Juda Naason nga anak ni Aminadab 74,600 Issacar Netanel nga anak ni Suar 54,400 Zabulon Eliab nga anak ni Helon 57,400 Dagup: 186,400 Ti bunggoy ti Juda ti umuna nga agluas.

Tribu Pangulo Bilang

^10-16 Iti akin-abagatan, agkampo dagiti adda iti babaen ti wagayway ti Ruben iti grupoda nga ipanguloan dagiti panguloda. Kastoy ti urnosda: Tribu Pangulo Bilang Ruben Elizur nga anak ni Sedeur 46,500 Simeon Selumiel nga anak ni Zurisadai 59,300 Gad Eliasaf nga anak ni Deuel 45,650 Dagup: 151,450 Ti bunggoy ti Ruben ti sumaruno nga agluas.

Tribu Pangulo Bilang

¹⁷ Sumaruno met nga agluas dagiti Levita a mangawit iti Tolda ti Dios. Agyanda iti nagbaetan dagiti umuna a dua a bunggoy ken iti maudi a dua a bunggoy. Magna ti tunggal bunggoy iti isu met la nga urnos a kas iti urnosda no agkampoda; addada iti lugarda ken iti babaen ti wagaywayda.

^18-24 Iti akinlaud, agkampo dagiti adda iti babaen ti wagayway ti Efraim iti grupoda nga ipanguloan dagiti panguloda. Kastoy ti urnosda: Tribu Pangulo Bilang Efraim Elisama nga anak ni Amiud 40,500 Manases Gamaliel nga anak ni Pedasur 32,200 Benjamin Abidan nga anak ni Gideoni 35,400 Dagup: 208,100 Ti bunggoy ti Efraim ti maikatlo nga agluas.

Tribu Pangulo Bilang

^25-31 Iti akin-amianan, agkampo dagiti adda iti babaen ti wagayway ti Dan iti grupoda nga ipanguloan dagiti panguloda. Kastoy ti urnosda: Tribu Pangulo Bilang Dan Ahiezer nga anak ni Amisadai 62,700 Aser Pagiel nga anak ni Okran 41,500 Neftali Ahira nga anak ni Enan 53,400 Dagup: 157,600 Ti bunggoy ti Dan ti maudi nga agluas.

Tribu Pangulo Bilang

³² Agdagup iti 603,550 dagiti Israelita a nailista kadagiti bunggoy, segun ti grupo ti tunggal maysa.

³³ Kas imbilin ni Yahweh ken ni Moises, saan a nairaman dagiti Levita a nailista kadagiti dadduma nga Israelita.

³⁴ Ngarud, inaramid dagiti Israelita ti amin nga imbilin ni Yahweh ken ni Moises. Nagkampo ti tunggal tribu iti babaen ti bukodna a wagayway ket nagluasda segun ti tribu ken familia a nagtaudanda.