Genesis 5 - Ti Baro a Naimbag a Damag Biblia

Dagiti Kaputotan ni Adan

¹ Daytoy ti listaan dagiti kaputotan ni Adan. Idi parsuaen ti Dios ti tao, inaramidna a kas kenkuana.

² Nangparsua iti lalaki ken babai. Binendisionan ken pinanagananna ida iti “Tao.”

³ Idi agtawen ni Adan iti 130, naparaburan iti anak a lalaki a kas kenkuana, ket pinanagananna iti Set.

⁴ Nagbiag pay ni Adan iti 800 a tawen. Adda pay dadduma nga annakna.

⁵ Natay idi agtawen iti 930.

⁶ Idi agtawen ni Set iti 105, naparaburan iti anak a lalaki a pinanagananna iti Enos.

⁷ Nagbiag pay iti 807 a tawen. Adda pay dadduma nga annakna.

⁸ Natay idi agtawen iti 912.

⁹ Idi agtawen ni Enos iti 90, naparaburan iti anak a lalaki a pinanagananna iti Kenan.

¹⁰ Nagbiag pay iti 815 a tawen. Adda pay dadduma nga annakna.

¹¹ Natay idi agtawen iti 905.

¹² Idi agtawen ni Kenan iti 70, naparaburan iti anak a lalaki a pinanagananna iti Mahalalel.

¹³ Nagbiag pay iti 840 a tawen. Adda pay dadduma nga annakna.

¹⁴ Natay idi agtawen iti 910.

¹⁵ Idi agtawen ni Mahalalel iti 65, naparaburan iti anak a lalaki a pinanagananna iti Jared.

¹⁶ Nagbiag pay iti 830 a tawen. Adda pay dadduma nga annakna.

¹⁷ Natay idi agtawen iti 895.

¹⁸ Idi agtawen ni Jared iti 162, naparaburan iti anak a lalaki a pinanagananna iti Enoc.

¹⁹ Nagbiag pay iti 800 a tawen. Adda pay dadduma nga annakna.

²⁰ Natay idi agtawen iti 962.

²¹ Idi agtawen ni Enoc iti 65, naparaburan iti anak a lalaki a pinanagananna iti Matusalem.

²² Nagbiag ni Enoc a nakikadkadua iti Dios iti 300 a tawen. Adda pay dadduma nga annakna.

²³ Kalpasanna, nagbiag pay iti 365 a tawen.

²⁴ Nagbiag iti sidong ti Dios. Kalpasanna, nagpukaw, agsipud ta innala ti Dios.

²⁵ Idi agtawen ni Matusalem iti 187, naparaburan iti anak a lalaki a pinanagananna iti Lamec.

²⁶ Nagbiag pay iti 782 a tawen. Adda pay dadduma nga annakna.

²⁷ Natay idi agtawen iti 969.

²⁸ Idi agtawen ni Lamec iti 182, naparaburan iti anak a lalaki.

²⁹ Kinuna ni Lamec, “Manipud iti daga nga inlunod ti Apo, mangyeg daytoy nga ubing iti gin-awa kadagiti amin a nadagsen a trabahotayo.” Isu a pinanagananna iti Noe.

³⁰ Nagbiag pay ni Lamec iti 595 a tawen. Adda pay dadduma nga annakna.

³¹ Natay idi agtawen iti 777.

³² Agtawen ni Noe iti 500 idi naparaburan iti tallo nga annak a lallaki: da Sem, Ham ken Jafet.