Ester 10 - Ti Baro a Naimbag a Damag Biblia

Kinatan-ok ni Ari Xerxes ken ni Mardokeo

¹ Intuyang ni Ari Xerxes ti panagbuis dagiti tattao nga agnaed kadagiti igid ti baybay ken kadagiti naseksek a lugar iti pagarian.

² Nailanad iti pakasaritaan dagiti ari ti Persia ken Media dagiti amin a naindaklan ken nakakaskasdaaw nga inaramidna agraman ti entero a pakasaritaan iti panangital-ona ken ni Mardokeo iti nangato a saad.

³ Ni laeng Mardokeo a Judio ti sumaruno iti saad ni Ari Xerxes. Raemen ken ipatpateg unay dagiti padana a Judio. Intrabahona ti pagimbagan dagiti kailianna ken ti kinatalged dagiti amin a kaputotanna.