Matta 4 - Ṯarifiṯ 2020

Ibȓis itjarrab Siḏiṯneɣ Ƹisa

¹ Ssenni Arruḥ nni n Arebbi yuwi Ƹisa ɣar ȓexȓa ḥima aṯ ijarreb Ibȓis.

² Wami iẓumm Ƹisa arbeƹin yum jar ǧiyaȓi ḏ wussan yusa-as-d jjuƹ.

³ Ikkar wenni itjarraben iqarreb-d ɣar Ƹisa inna-as: "Meȓa cek ḏ Mmis n Arebbi, ini-yasen i yizra-ya aḏ ḏewȓen ḏ aɣrum."

⁴ Indeq-d Ƹisa inna-as: "Lla, Lkitab iqqar: "

⁵ Ssenni Ibȓis yuwi Ƹisa ɣar ṯendint n Lquds, isiȓi-ṯ x ṯqiccat n ṯemziḏa ṯameqqrant.

⁶ Inna-as: "Cek meȓa ḏ Mmis n Arebbi ngez ssanita ɣar ṯmurṯ. Aqa Lkitab iqqar: "

⁷ Inna-as Ƹisa: "Lla, Lkitab iqqar: "

⁸ Ssenni Ibȓis yuwi Ƹisa ɣar ṯqiccat n yijjen n uḏrar yuƹȓa aṭṭas. Ismeḍhar-as-d marra lmemlakaṯ n ddunect-a ḏ ṯuṣubḥant nsent.

⁹ Inna-as: "Aḏac uceɣ marra ṯina meȓa ṯewḍiḏ x ifadden nnec ṯsejjḏeḏ-ayi."

¹⁰ Indeq-d Ƹisa inna-as: "Ruḥ, beƹƹeḏ-ayi a Cciṭan. Aqa Lkitab iqqar: "

¹¹ Ssenni ibeƹƹeḏ xas Ibȓis. Usint-id lmalaʼikaṯ bḏant tsexxarent x Ƹisa.

Siḏiṯneɣ Ƹisa itȓaɣa-d i imeḥḍaren nnes imezwura

¹² Wami isȓa Ƹisa belli Yaḥya aqa itwaḥebbes, iƹqeb ɣar Naṣira ɣar ṯmurṯ n Ljalil.

¹³ Walakin war iqqim ca ḏi Naṣira, iruḥ aḏ izḏeɣ ḏeg yijjen n ubilaj qqaren-as Kafernaḥum ig iǧan x ṭṭarf n ȓebḥar n Ljalil, jjiheṯ n ṯmurṯ n Zafulun ḏ Naftali.

¹⁴ Amenni ikemmeȓ wawaȓ nni iy inna Siḏi Arebbi i nnabi umi qqaren Icaƹya ḏeg yijjen n zman:

¹⁵ <Ṯamurṯ n Zafulun ḏ ṯmurṯ n Naftali, ṯinni umi qqaren ṯamurṯ n Ljalil, x ubriḏ n ȓebḥar ḏi ccarq n yiɣzar n Lʼurdun, mani iy zeddɣen uȓa ḏ yinni war iǧin zi Ayṯ-Israʼil.

¹⁶ Ccaƹb-a iy izeddɣen ḏi ṯaǧest, aḏ iẓer ṯfawṯ ḏ ṯameqqrant. Yina izeddɣen ḏi ṯaǧest n ȓmewṯ aḏasen d imeḍhar nnur.>

¹⁷ Zi ssenni ibḏa Ƹisa itbeccar iqqar-asen: "Tubeṯ, aqa yuḏes-d ȓmulk n ujenna."

¹⁸ Iggur Ƹisa x cceṭṭ n ȓebḥar n Ljalil, yufa ḏinni ṯnayen n iḥeǧaqen n iseȓman niṯni ḏ awmaṯen. Ijjen qqaren-as Simƹan tȓaɣan-as s Buṭrus, akiḏes umas qqaren-as Andrus. Neṭṭaren ṯracca ḏi ȓebḥar.

¹⁹ Inna-asen Ƹisa: "Ḏfarem-ayi-d, aqa ȓexxu iy kenniw ɣa arreɣ ḏ iḥeǧaqen n yiwḏan."

²⁰ Ȓexddenni semḥen ḏi ṯracciwin nsen ḏfaren-ṯ.

²¹ Iƹḏu aɣiȓin, yufa ṯnayen n wawmaṯen nneɣni, ijjen qqaren-as Yaƹqub ijjen qqaren-as Yuḥanna. Niṯni ḏ ṯarwa n yijjen n uryaz umi qqaren Zabadi. Aqaṯen ḏi ṯɣarrabut ak babaṯsen ƹeddȓen ṯiracciwin nsen. Iȓaɣa-yasen-d Ƹisa,

²² ḏeg umcan semḥen ḏi ṯɣarrabut nsen ḏ babaṯsen ḏfaren Ƹisa.

²³ Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

²⁴ Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

²⁵ Ḏfaren Ƹisa aṭṭas n ȓɣaci zi Ljalil ḏ lʼiqlim umi qqaren Dikaplis ḏ ṯendint n Lquds ḏ Yahuḏiya ḏ jjiheṯ n ccarq n yiɣzar n Lʼurdun.