Ayṯ-Ruma 11 - Ṯarifiṯ 2020

Arebbi, ma inkar Ayṯ-Israʼil?

¹ Iwa tseqsiɣ nec, Arebbi ma inkar ccaƹb nnes? Lla, ƹemmarṣ! Nec s yixef inu ḏ aʼisraʼili, zi ddurriṯ n Brahim zi Ayṯ-Benyamin.

² Arebbi war inkar ca ccaƹb nnes tuɣa issen-iṯen zi qbeȓ. Ma war ṯessinem ca kenniw min iqqar Lkitab x nnabi Ilyas? Wami iceṯca ɣar Arebbi zi Ayṯ-Israʼil inna-as:

³

4 Iwa minzi xas yarra Arebbi? Inna-as:

⁵ Iḏen uȓa ḏi zman-a iy ḏi neǧa, qa ḏa ȓebƹaḍ ixḍar-iṯen Arebbi s arḍa nnes.

⁶ Meȓa ixḍar-iṯen s arḍa nnes, ataf ȓexxu war iǧi ca s lḥasanaṯ nsen. Meȓa maci amenni, ataf arḍa war itiȓi bu ḏ arḍa.

⁷ Iḏen, mixef rezzun Ayṯ-Israʼil war ṯ ufin ca, yinni itwaxḍaren ufin-ṯ. Yinni iqqimen, uȓawen nsen twaqsḥen.

⁸ Iwa mammec iqqar Lkitab:

⁹ Iqqar nnabi Dawed:

¹⁰ Aḏ ḍarɣȓent ṯiṭṭawin nsen ḥima war twiȓint, aḏ iȓin iƹurar nsen ȓebda ḏ imaqewsen.>

Aḏ nejmen uȓa ḏ yinni war iǧin ca zi Ayṯ-Israʼil

¹¹ Iwa tseqsiɣ, Ayṯ-Israʼil ma ṣafi nqeȓḍen wḍan? Lla, ƹemmarṣ! Lƹaks, s ȓmuƹṣiyeṯ-a n Ayṯ-Israʼil isenjem Arebbi yinni war iǧin ca zi Ayṯ-Israʼil bac aḏ tekkar lɣira ḏi Ayṯ-Israʼil.

¹² Ȓexxu ȓmuƹṣiyeṯ nni iy ggin Ayṯ-Israʼil meȓa ṯuwi-d lbaraka ḏ ṯameqqrant i ddunect-a, u ƹaweḏ weṭṭu nni iy ggin meȓa yuwi-d lbaraka ḏ ṯameqqrant i yinni war iǧin ca zi Ayṯ-Israʼil, mecḥaȓ ɣa ṯarni lbaraka xmi d ɣa ḏewȓen ɣar ubriḏ?

¹³ Fa nec qqareɣ-awem manaya i kenniw war iǧin ca zi Ayṯ-Israʼil. Nec ḏ arrasul ɣar yinni war iǧin ca zi Ayṯ-Israʼil, nec ȓxeḏmeṯ inu ḥessbeɣ-t ɣares ijjen n ccan imɣar.

¹⁴ Rezzuɣ aḏ snekkareɣ lɣira ḏeg ayṯma israʼiliyen ḥima aḏ snejmeɣ ȓebƹaḍ zzaysen.

¹⁵ Aqa wami xasen yuzzeȓ Arebbi, isemṣȓaḥ netta ddunect-a akiḏes. Ƹaweḏ xmi ṯen ɣa iqbeȓ, aḏ tiȓi am ṯuḏarṯ i yinni immuṯen!

¹⁶ Meȓa ṯqerrṣeḏ cwayt zeg urecṯi iṣfan ṯqeddmeḏ-ṯ i Arebbi, ataf aḏ yiȓi amenni iṣfa urecṯi nni amen-ikmaȓ. U meȓa aḏ iȓin iẓewran n ṯcejjarṯ ṣfan, ataf aḏ iȓin uȓa ḏ ȓefruƹ, iƹni ṯiseḍwin.

¹⁷ Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

¹⁸ Walakin war tsemɣar ca ixef nnec x ȓefruƹ nni itwaqessen. Mayemmi? War tettu ca belli ḏ iẓewran nni iy cek iysin, war iǧi bu ḏ cek iy ṯen iysin.

¹⁹ Iḏen, imken cek aḏ tiniḏ qa ṯiseḍwin twaqessent bac nec aḏ twaȓeqqmeɣ ḏeg umcan nsent.

²⁰ Wah, niṯenti twaqessent ssenni wami war uminent ca; cek ṯeqqimeḏ ḏinni wami ṯumneḏ. Walakin war tsemɣar ca ixef nnec; Lla, ggweḏ!

²¹ Iwa, meȓa Arebbi tuɣa war iḥinn ca ḏi ȓefruƹ n lʼaṣel, uȓa ḏ cek war ḏayek itḥinni ca.

²² Iḏen xzar mecḥaȓ iṣbeḥ Arebbi mecḥaȓ iy iqseḥ. Iqseḥ x yinni iwḍan; iṣbeḥ akiḏec cek iƹni meȓa ṯeqqimeḏ ḏi ȓxir nnes. Meȓa lla ataf aḏ twaqesseḏ uȓa ḏ cek.

²³ U meȓa war qqimen ca israʼiliyen x lkufer nsen, uȓa ḏ niṯni aṯen iȓeqqem Arebbi liʼanna ɣares jjheḏ netta iy zi ṯen ɣa iȓeqqem ƹaweḏ.

²⁴ Cuf, cek twaqesseḏ zeg uzemmur iƹni ṭṭabiƹa nnec, ssenni twaȓeqqmeḏ ḏi ṯzitunt iƹni maci ṭṭabiƹa nnec. U niṯenti, mecḥaȓ ihwen aḏ twaȓeqqment iƹni ṯiseḍwin n ṯzitunt aḏ twaƹeqbent ɣar lʼaṣel nsent.

Arraḥmeṯ n Arebbi x marra ddunect

²⁵ Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

²⁶ Amenni iy ɣa nejmen marra Ayṯ-Israʼil mammec iqqar Lkitab:

²⁷ Aḏ yiȓi ḏ wa ḏ ȓƹaheḏ inu akiḏsen xmi xasen ɣa mḥiɣ ȓmuƹṣiyaṯ nsen.>

²⁸ S ssabab n Lʼinjil, israʼiliyen ḏ ȓaƹḏu ƹlaḥsab kenniw. Walakin s ssabab minzi twaxḍaren, niṯni ḏ imƹizzen ƹlaḥsab ssalaf ṣṣaliḥin.

²⁹ Liʼanna Arebbi war ineddem ca x min iticc niɣ x min itixḍar.

³⁰ Cuf, ḏi ȓweqṯ nni iƹḏun tuɣa kenniw ṯƹeṣṣam Arebbi, irḥem-ikenniw ȓexxu s ssabab n ȓmuƹṣiyeṯ nni n Ayṯ-Israʼil.

³¹ Amenni uȓa ḏ niṯni wami ƹṣan Arebbi ȓexxu, aṯen irḥem mammec iy kenniw irḥem.

³² Liʼanna netta Arebbi yarra iwḏan marra ḏ imeḥbas n ȓmuƹṣiyeṯ ḥima aṯen irḥem marra iḏsen.

³³ Mecḥaȓ imɣar wagȓa n ȓefhameṯ ḏ ṯusna n Arebbi! War twacerrḥen lʼaḥkam nnes, war twafehhmen ibriḏen nnes.

³⁴ Wig issnen ȓaƹqeȓ n Siḏi Arebbi, niɣ wi kis imcawaren?

³⁵ Wi ḏas yucin can ȓḥajeṯ ḏ amezwaru, bac netta aḏas-t-iḏ yarr?

³⁶ Aqa marra yusa-d ikka-d zzayes, kulci nnes. Aɣares ṯiȓi lƹaḍama i netta i ȓebda. Amin.