Ayṯ-Ruma 10 - Ṯarifiṯ 2020

¹ Inna-asen Bulus: Ay ayṯma, mecḥaȓ tmenniɣ s wuȓ inu tẓaǧiɣ i Arebbi aḏ tenjem lʼumma inu.

² Nec cehhḏeɣ xasen rezzun aḏ ggen lwajib ak Arebbi, walakin war ssinen ca aḏ ggen lwajib.

³ Wami war ssinen ca mammec igga Arebbi isemṣȓaḥ akiḏes bnaḏem, kkaren niṯni ḏfaren abriḏ nsen nniṯ war qbiȓen ca abriḏ n Arebbi.

⁴ Li'anna Lmasiḥ ḏayes ḏi netta iy ṯkemmeȓ ccariƹa ḥima marra wi zzayes ɣa yamnen aḏ imeṣȓaḥ ak Arebbi.

Marra iwḏan zemmaren aḏ nejmen

⁵ Cuf, mammec iǧa ubriḏ n ṣṣulḥ ƹlaḥsab ccariƹa? Yura xas Musa inna: Marra wi ɣa ixeḏmen s ṯmesȓayin-a ṯina, ataf azzaysent iƹic.

⁶ Walakin min iqqar Lkitab x wenni irezzun aḏ imeṣȓaḥ ak Arebbi azzayes yamen? Iqqar: War qqar ca ḏeg wuȓ nnec: Min iƹna wi ɣa igaƹƹḏen ɣar ujenna (iƹni bac aḏ d isehwa Lmasiḥ)?

⁷ Niɣ: Min iƹna wi ɣa ihwan ɣar ȓaǧeɣ bȓa ȓaḥedd (iƹni bac aḏ d yarr Lmasiḥ zeg yinni immuṯen)?

⁸ Iwa min iqqar Lkitab? Iqqar: Iƹni awaȓ-a netta ḏ lʼiman iy zi netḥeddaṯ.

⁹ Qa meȓa ṯcehḏeḏ s uqemmum nnec illa Ƹisa ḏ Siḏic, meȓa ṯumneḏ s wuȓ nnec illa Arebbi isekkar-iṯ-iḏ zi ȓmewṯ, ataf aḏ tnejmeḏ.

¹⁰ Liʼanna s wuȓ nnec cek tamneḏ, ac isemṣȓaḥ Arebbi akiḏes. U s uqemmum nnec cek ṯcehhḏeḏ, cek ṯnejmeḏ.

¹¹ Aqa Lkitab iqqar:

¹² Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

¹³ Aqa

¹⁴ Iḏen, mammec ɣa ggen aḏ ȓaɣan x wenni iy zi war yuminen ca? Mammec ɣa ggen aḏ amnen zeg wenni umi war xas sȓin ca? Mammec ɣa ggen axas sȓen meȓa war ḏasen itḥeddiṯ ḥadd?

¹⁵ U mammec ɣa ggen aḏ ḥeddṯen meȓa war ḏasen d issekk ḥadd? Aqa iqqar Lkitab:

¹⁶ Lʼinjil walakin war ṯ qbiȓen ca marra iwḏan. Aqa min iqqar nnabi Icaƹya zi zman:

17 Falihaḏa, lʼiman itas-d zi min netsȓa, u min ntesȓa netta ḏ awaȓ n Lmasiḥ.

¹⁸ Walakin nec tseqsiɣ, Ma war sȓin ca? Wah, sȓin. Aqa min iqqar Lkitab: <Ḏi marra ṯamurṯ iffeɣ-d ṣṣut nsen, awaȓen nsen uwḍen aȓ ȓaḥedd n ddunect.>

¹⁹ Ƹaweḏ nec tseqsiɣ, Ayṯ-Israʼil ma war fhimen ca? Ḏ amezwaru inna-asen Musa:

²⁰ Menbaƹd izƹem nnabi Icaƹya inna:

²¹ Walakin x Ayṯ-Israʼil iqqar: