2 Ayṯ-Kurinṯ 9 - Ṯarifiṯ 2020

^1-2 Amma ṣṣaḏaqa i ṣṣaliḥin bȓa ma ḏawem d ariɣ, qa nec ssneɣ ṯrezzum aḏ tƹawnem ḏeɣya. Teftaxareɣ nec s manaya ɣar Ayṯ-Masidunya, qqareɣ-asen qa zeg wazeḏɣaṯ kenniw ḏi lʼiqlim n Uxaya ṯsewjaḏem-d bac aḏ tṣeddqem. Ȓxaḍar-a nwem itcejjaƹ azyen-ameqqran aḏ ṣeddqen.

³ U ssekkeɣ-d ɣarwem ayṯmaṯneɣ Titus ḏ ṯnayen-a nneɣni bac lʼiftixar nneɣ ḏaywem war itiȓi ca ḏ ȓbaṭeȓ waha, ataf aḏ tiȓim ṯsewjaḏem mammec tuɣa ḏasen nniɣ nec.

⁴ Menbaƹd meȓa usin-d akiḏi ȓebƹaḍ zi Ayṯ-Masidunya ufin-kenniw war ṯeswejḏem ca ataf neccin a nseḏḥa x ttiqeṯ nneɣ ḏaywem (uȓa ḏ kenniw aḏ tseḏḥam).

⁵ S manaya ufiɣ u labud aḏ cejjƹeɣ ayṯmaṯneɣ yina iy ḏayi d izwaren ɣarwem zic bac aḏ ƹeḏȓen marra x ṣṣaḏaqa-ya ṯameqqrant iy zi ḏayi ṯƹahḏem zi qbeȓ. Ammu aḏ tiȓi ṣṣaḏaqa-ya mujuda s wuȓawen nwem maci s bessif.

Ṣṣaḏaqa tas-d s ȓefraḥeṯ

⁶ Fekkareṯ, wenni ɣa izerƹen ḏrus aḏ imjar ḏrus. Wenni ɣa izerƹen aṭṭas aḏ imjar aṭṭas.

⁷ Kuȓ ijjen itxeṣṣa-yas aḏ iṣeddeq s min inwa ḏeg wuȓ nnes maci s uxeyyaq niɣ s bessif, minzi Arebbi itexs wenni itṣeddaqen s ȓefraḥeṯ.

⁸ Arebbi netta izemmar akenniw isfeyyeḍ s lbaraka bac ataf ȓebda aɣarwem yiȓi min teḥḏajam marra ṯumma aḏ tarnim aṭṭas ḏi marra ȓxeḏmeṯ ṯaṣebḥant.

⁹ Mammec iqqar Lkitab:

¹⁰ Wenni ig iferrqen zzarriƹeṯ i ufeǧaḥ nni ig izerrƹen iticc-as ƹaweḏ uȓa ḏ aɣrum iy ɣa icc, ataf netta ƹaweḏ aḏawem yarni ḏi zzarriƹeṯ nni iy ṯzerrƹem aḏ isemɣar min ṯmejjarem zi ṣṣaḏaqa-ya nwem.

¹¹ Aɣarwem yiȓi ȓxir aṭṭas ḏi marra bac ataf aḏ tiȓim ṣaxiyin. U xmi ɣa nessiweḍ ṣṣaḏaqa-ya nwem aḏ teḏweȓ ḏ ijjen n ccuker i Arebbi.

¹² Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.

¹³ Ṣṣaḏaqa-ya ṯuca ddalil xawem, zzayes iy ɣa ḥemḏen ṣṣaliḥin Arebbi. Ṯumnem s Lʼinjil n Lmasiḥ, ṯṭaƹem-as xmi tṣeddaqem aṭṭas xasen u x marra iwḏan.

¹⁴ Rezzun xawem tẓaǧan xawem ƹlaḥsab arḍa nni ameqqran iy ḏawem yuca Arebbi.

¹⁵ A neḥmeḏ Arebbi x lhadiya nni nnes, war nzemmar at newṣef.